E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Djali ka bërë një krim të madh dhe po shkon në tokë”/ Flasin prindërit e 21 vjeçarit që vrau nënkomisarin

29 Shtator 2021, 13:03, Kronika CNA

Trupi i pajetë i 21 vjeçarit Aldi Rama, i cili dyshohet se është autori i vrasjes së oficerit të policisë Saimir Hoxha, ndodhet ende në morgun e spitalit të Traumës.

Aktualisht trupi i të riut po i nënshtrohet ekzaminimeve nga ekspertë të ardhur nga Tirana, dhe më pas pritet të merret nga familjarët e tij.

Sipas informacioneve të marra në terren, bëhet me dije se jashtë morgut të spitalit ndodhet vetëm tezja e të riut , por që nuk ka pranuar të bëjë asnje deklaratë për mediat.

Ndërkohë babai i Aldi Ramës, Rufan Rama, i cili jeton prej disa vitesh në Greqi, gjatë një bisede telefonike në emisionin Shqipëria Live, ka treguar se djali i tij është rritur mes varfërisë nga dy gjyshërit e tij.

Ai ka hedhur poshtë zërat se djali i tij është trafikant droge. Nëse do ishte kështu atëherë Aldi nuk kishte pse të jetonte me gjyshërit e tij, por do kishim një jetë më mirë bashkë.

Rufani tregon më tej së është ndarë nga bashkëshortja e tij në momentin kur ai është futur në burg. Ndërkohë Aldi është detyruar të jetojë me gjyshërit në Lezhë. Sipas Rufan Ramës, e ëma e djalit pas divorcit nuk kishte mundësi ta mbante ekonomikisht.

?Në vitin 2016 e kisha këtu në Greqi dhe punonte. U lidh me një vajzë dhe më pas iku në Shqipëri. E dashura përdorte lëndë narkotike dhe kur Aldi e mori vesh e la. I tha edhe mamasë së vajzës. Nuk po gënjej, jam tepër i saktë. Më pas ajo i bëri denoncim se e ka dhunuar.

Kur Aldi u fut në burg kishte një të dashur tjetër. Ajo e ka pyetur atë vajzën se pse e denoncova dhe ka thënë se e ka bërë për hakmarrje?, rrëfen babai i 21-vjeçarit, i cili ka qenë në burg disa herë.

I pyetur sërish në lidhje me akuzat për përdhunim që ish-e dashura e Aldit ka bërë për të, Rufani ka thënë në Shqipëri Live: ?Avokati i Aldit ka folur me të dashurën e tij, e cila ka komunikuar me vajzën që e ka denoncuar. Ajo i ka thënë se donte të hakmerrej?.

?Djali im tani ka bërë një krim të madh dhe shkon në tokë sot. Mos të shtojmë më gjëra koti. Ishte një fëmijë pa prindër, nuk ishte grup terrorist . Vajza ma shkatërroi Aldin, nuk qëndroi në Greqi për të. Në Shqipëri nuk punonte, se nuk kishte ku të gjente. Pasi doli nga burgu e lanë më kusht që të mos dilte jashtë. Meqenëse paska qenë i rrezikshëm Aldi si e la shteti të lirë, pse nuk u interesua ku do të rrinte. Më ka thënë plaku që marrin pension të vogël, Aldi po vuan për bukë. I kam çuar500 euro, pa letra nuk vija në Shqipëri. Do doja të bëja shumë për të, por nuk kam pasur mundësi?, është shprehur më tej ai.

Ndërsa, Valbona Kolgjini nëna e 21-vjeçarit jetonte në Durrës te motra e saj, ka thënë se nuk kishte kontakte me djalin e saj.

Menjëherë pas krimit që kreu 21-vjeçari, nëna e tij është shoqëruar nga Policia ku ka dhënë dhe dëshminë e saj.

Sipas “BË”, Valbona Kolgjini ka deklaruar në polici se me të birin kishte pak kontakte, pasi nuk jetonte me të pas divorcit me babain e tij, ndonëse 4 vjet më parë ishte regjistruar në Durrës si banore e lagjes 17 bashkë me djalin.

Ndërkohë ditën e sotme ajo s’ka pranuar të flasë për mediat pasi në shtëpinë e saj janë hapur dyert e mortit për humbjen e djalit 21 vjeç.