web counter
LEXO PA REKLAMA!

SHKARKO APP

App Store
Google Play

E qëlloi me armë për një shpullë/ Arrestohet “juristi” që plagosi Edison Begajn

30 Shtator 2021, 07:37, Kronika CNA

I dyshuari për vrasjen e  Edison Begajt, 36-vjeçari Mitri Prifti,  është arrestuar sot nga policia e Vlorës.

Prifti, me profesion jurist, banues në Tiranë, i maskuar dhe i veshur si polic, qëlloi me armë Begajn në sy të fëmijëve.

Ai i kishte zënë pritë Begajt në hyrje të banesës së tij në Kaninë. Kamerat e sigurisë kanë regjistruar momentin kur personi i maskuar dhe me veshje policie qëllon Edison Begajn kur sapo kishte dalë nga makina brenda së cilës ndodheshin fëmijët e tij.

Për Priftin Gjykata e Shkallës së Parë Vlorë ka vendosur masën e sigurisë “Arrest në burg” për veprat penale ?Vrasja me paramendim?, mbetur në tentativë dhe ?Armëmbajtja pa leje?.

Edison Begaj ishte konfliktuar verbalisht me Mitri Priftin dhe në debat e sipër Begaj kishte qëlluar me shpullë në debat e sipër Priftin.

Dy ditë më pas më 29 maj, Mitri i maskuar i zë pritë Begajt dhe e qëllon me armë në fillim në bark e më pas në këmbë. Shënjestra e atentatit mori disa plumba, por pa rrezik për jetën.

Edison Begaj ishte në listën e operacionit forca e ligjit pasi ka qenë i dënuar me 7 vite e 6 muaj burgim, për drogë dhe armë. Por edhe autori i atentatit juristi Mitri Prifti është i njohur për organet e drejtësisë.

Në vitin 2016 ai denoncoi se ai dhe kushëriri i tij ndërtues ishin kërcënuar nga grupi Shullazi në Tiranë. Por brenda pak ditësh i tërhoqi pas akuzat, duke u shprehur se nuk e njihte Emiljano Shullazin dhe as të afërmin e tij, Blerim Shullazi, madje as që kishte dijeni mbi ndonjë kërcënim të mundshëm të ndërtuesit.

Më pas u largua nga Shqipëria por së fundmi është rikthyer dhe është shpallur në kërkim me akuzën e rëndë për atentatin me armë./CNA.al





Lajmet e fundit nga