web counter
LEXO PA REKLAMA!

SHKARKO APP

App Store
Google Play

E fundit!

x

Tensionet Kosovë-Serbi/ Kodheli: Nuk na vendos kush ultimatum, KFOR është aty

29 Shtator 2021, 12:57, Politikë CNA

Zv/presidentja e Asamblesë Parlamentare të NATO, Mimi Kodheli ka folur për tensionet mes Kosovës dhe Serbisë, pas vendimit të kryeministrit Kurti, për vendosjen e reciprocitetit të targave.

E ftuar në rubrikën ?Opinion? në News 24, Kodheli siguron se nuk ka për të patur konflikt pasi KFOR është aty për të siguruar kufijtë dhe paqen.

Lidhur me ultimatumin e Vuçiç, Kodheli thotë se askush nuk i vendos kushte NATO-s.

?Kosova është në anën e drejtë të historisë. Nuk i futemi marrëveshjeve, pse është filluar me targat e jo me diçka tjetër. Nuk besoj që jemi këtu për gjëra të vogla. Jemi për gjëra madhore. Gjëja më madhore është paqja dhe stabiliteti në rajon dhe njohja e Kosovës. Ekziston prej dy dekadash si i tillë. Ka nevojë ende për pak kohë, për të paqtuar e pleqëruar gjithë mbarëvajtjen e punëve në Ballkan, duhet durim, por dhe njerëz me dëshirë të mirë. Do të jetë shumë dimensionale kjo. Do të vazhdojë të jetë pjesë e diskutimeve tona politike dhe të SHBA, BE, rajon. Kjo është një çështje ekonomike, sa politike dhe sa na afekton ne.

Duhet të jemi të kujdesshëm ndaj një procesi aspak të thjeshtë, por të mundur për të ndodhur. Besoj se do të vijë dita për të folur për projekte të përbashkëta. Kam patur një bisedë parmbrëmë me Presidenti i Asamblesë së NATO i cili është thënë në thonjëza shefi im, dhe biseda ka qenë sa intriguese dhe e rëndësishme, sepse ka dalë me një status më vonë i cili ishte në të njëjtën linjë dhe Stoltenberg doli të thoshte, apo të gjitha strukturat nën sekretarin e përgjithshëm të NATO, apo Asamblenë parlamentare, mendoj se do të vijojmë t?i mbetemi dialogut me prezencën e BE dhe SHBA, si garancia e vetme. NATO ka në Prishtinë të vendosur misionin më të gjatë në histori KFOR. E ka më të gjatë se misioni në Afganistan.?-tha Kodheli./CNA.al





Lajmet e fundit nga