web counter
LEXO PA REKLAMA!

SHKARKO APP

App Store
Google Play

E fundit!

x

Gatuzo pranë rikthimit si trajner, gati të marrë drejtimin e ekipit të Serisë A

28 Shtator 2021, 06:01, Sport CNA

Ivan Xhenaro Gatuzo mund të kthehet shumë shpejt në pankinë, por jo në Itali, siç pritnin të gjithë. Pas eksperiencës dyjavore te Fiorentina që filloi dhe u mbyll pa nisur kampionati, duket se tekniku ka zgjedhur që të tentojë fatin e tij jashtë Italisë dhe shumë shpejt për të mund të lirohet një pankinë e rëndësishme në Premier Ligë.

Klub i Njukasëll në këtë sezon po noton në ujëra të turbullta dhe sipas mediave britanike, pronari Majk Eshli po mendon seriozisht largimin e teknikut Stiv Brus, i cili nuk po arrin që të mbajë skuadrën larg zonës së ftohtë të klasifikimit. Vetëm 3 pikë në 6 ndeshje, pa asnjë fitore, janë shumë pak për një klub me emra të rëndësishëm në përbërje si Njukasëll e për këtë arsye pritet një reagim, ose largimi i teknikut.

Të njëjtat burime sqarojnë se Eshli do të marrë vendimin përfundimtar pas ndeshjes së fundjavës kundër Ullvërhempton, para pauzës së kombëtareve. Nëse ekipi do të dështojë përsëri, ajo me shumë mundësi do të jetë ndeshja e fundit e Brus, me Gatuzon i cili është kandidati kryesor për këtë detyrë të re pasi palët kanë qenë në kontakt edhe gjatë verës. Pauza e kombëtareve do të ndihmonte trajnerin e ri që të ambientohej me skuadrën ndaj është vendosur që të pritet edhe takimi ndaj Ullvërhempton që është një rival direkt në renditje.





Lajmet e fundit nga