web counter
LEXO PA REKLAMA!

SHKARKO APP

App Store
Google Play

E fundit!

x

Edi Paloka i përgjigjet Yuri Kim/ “E shkuara” e PD është histori suksesi, krenarie dhe lavdie

25 Shtator 2021, 09:51, Politikë CNA

Kreu i Këshillit Kombëtar të PD, Edi Paloka ka reaguar pas deklaratës së ambasadores së SHBA, Yuri Kim, e cila është shprehur se ?PD nuk mund të qëndrojë me një këmbë në të shkuarën?.

Në një postim në rrjetet sociale, Edi Paloka është shprehur se ?E shkuara? e PD është histori suksesi, krenarie dhe lavdie për të gjithë shqiptarët.

Po ashtu ai thekson se e shkuara e PD, është fitorja e pluralizmit në Shqipëri, është hapja e rrugës për demokraci.

Më tej, ai shkruan se nuk mund të shohim nga e ardhmja, duke harruar e shkelmuar të shkuarën, por duke bërë të kundërtën: ?duke e ngritur këtë të ardhme mbi vlerat më të mira të së shkuarës e duke shkelmuar të keqen e asaj të shkuare!?

?E shkuara? e PD është histori suksesi, krenarie dhe lavdie për gjithë shqiptarët!

E shkuara e PD është përmbysja e komunizmit dhe hapja e rrugës për demokraci!

E shkuara e PD është fitorja e pluralizmit në Shqipëri.

E shkuara e PD është largimi i Shqipërisë nga Lindja dhe rivendosja e marëdhënieve me SHBA e partnerët tanë natyralë, Perëndimin!

E shkuara e PD është vendosja e ekonomisë së tregut dhe lirisë së biznesit në Shqipëri!

E shkuara e PD janë anëtarësimi në NATO, liberalizimi i vizave dhe marrja e statusit të vendit kandidat në BE.

E shkuara e PD është dhe celebrimi me SHBA dhe aleatët i pavarësisë së Kosovës!

E shkuara e PD janë këto dhe shumë të tjera, për të cilat jo vetëm demokratët por dhe shqiptarët duhet të ndjehen krenarë!

Prandaj ne demokratët jemi dhe shpresa e shqiptarëve për të ardhmen sepse kemi pasur një histori të lavdishme ndërkohë që kundërshtarët tanë, ata që qeverisin sot, kanë një të shkuar të zezë dhe një të tashme po aq të zezë për shqiptarët!

Ne shohim nga e ardhmja, jo duke harruar e shkelmuar të shkuarën, por duke bërë të kundërtën: duke e ngritur këtë të ardhme mbi vlerat më të mira të së shkuarës e duke shkelmuar të keqen e asaj të shkuare!?-shkruan Edi Paloka./CNA.al





Lajmet e fundit nga