web counter
LEXO PA REKLAMA!

SHKARKO APP

App Store
Google Play

Ndryshimet Kushtetuese/ PS i “shkel syrin” Bashës

23 Shtator 2021, 07:30, Politikë CNA

Partia Socialiste i ka drejtuar një mesazh kreut të PD-së, Lulzim Basha, duke u shprehur të gatshëm, për të biseduar për ndryshimet kushtetuese.

Sekretari i ri i përgjithshëm i PS-së, Damian Gjiknuri, në një prononcim për mediat nga Shkodra, ka theksuar se PS është e gatshme që të ulet me Partinë Demokratike dhe të bisedojnë edhe për ndryshimet Kushtetuese.

Sipas Gjiknurit propozimet duhet të bëhen në tryezë dhe jo në media.

?Jemi të gatshëm të ulemi me PD të bisedojmë për gjitha çështjet. Si dhe ato që propozon PD për ndryshimet kushtetuese. Por propozimet bëhen në tryezë dhe në institucione. Tashmë që PD është brenda institucioneve mund të bisedojmë dhe jemi të hapur. Por nuk bëhet në studio televizive dhe me konferenca për media.?- tha Gjiknuri.

Kujtojmë se Lulzim Basha, u shpreh në mbledhjen e Këshillit Kombëtar , se ndryshimet kushtetuese të vitit 2008 nuk ishin të përshtatshme për nevojat e shoqërisë për demokraci.

Nga ana tjetër, kujtojmë këtu se edhe kryeministri Edi Rama, disa herë i ka ?shtrirë dorën?, Lulzim Bashës, për të bashkëpunuar, për tema që sipas tij janë në interes të qytetarëve./CNA.al





Lajmet e fundit nga