E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

PS “luftë” me Dritan Lelin/ Konflikti nga partia në polici

21 Shtator 2021, 07:56, Politikë CNA

Një ditë më parë, kreu i Bashkisë së Vlorës, Dritan Leli dhe Drejtori i ujësjellësit Shkëlqim Leskaj, kanë përfunduar në polici.

Leli, i cili është përjashtuar nga Partia Socialiste nga kryeministri Edi Rama, ndërsa Leskaj është ende pjesë e PS, madje ne fushatën zgjedhore ky i fundit është paditur nga PD, për punësime elektorale.

Po, një ditë më parë u raportuar se kryebashkiaku i Vlorës Dritan Leli e kishte shkarkuar drejtorin e ujësjellësit Shkëlqim Leskajn prej disa ditësh, por ai kishte refuzuar të lironte zyrën

Mësohet se debati për lirimin e zyrës së Leskajt, ka nisur pasi ai me datën 6 gusht ka firmosur dorëheqjen nga kjo detyrë dhe disa ditë më pas është penduar duke kërkuar që ta kthejë mbrapsht.

Në këtë pikë ka hasur në kundërshtimin e kryebashkiakut Leli. Dje Leli, ka shkuar për ta nxjerrë nga zyra Leskajn dhe më pas kanë përfunduar në polici.

Sot ka ardhur një reagim nga Shkëlqim Leskaj, i cili ne rrjete sociale thotë se është ende në punë.

Ndërmarrja e Ujësjellës Kanalizime Vlorë, nëprëmjet kësaj deklarate për shtyp, kërkon të sqarojë opinionin publik në lidhje me situatat e pasqyruara nga disa media dhe portale për disa mos marrëveshje të lindura gjatë një mbedhje të organizuar në zyrën e kreut të Shoqërisë, mes administratorit të Ujësjellës Kanalizime Vlorë, Zotit Shkëlqim Leskaj dhe kryetarit të Bashkisë së Vlorës, Zotit Dritan Leli.

Ju bëjmë me dije se nuk ka asnjë ndërprerje të veprimtarisë së Shoqërisë Ujësjellës Kanalizime Vlorë, duke vijuar realizimin normalisht të të gjitha detyrave në shërbim të qytetarëve dhe klientëve tanë, si familjarë ashtu edhe privatë.

Drejtori Shkëlqim Leskaj është në krye të detyrës, duke ushtruar kompetencat e tij, në zbatim të Ligjit Nr. 9901, datë 14.04.2008 për ?Tregtarët dhe Shoqëritë Tregtare?.

Kreu i Shoqërisë, mëngjesin e kësaj të marte, datë 21.09.2021, zhvilloi normalisht mbledhjen e mëngjesit, duke ndarë edhe detyrat përkatëse për të gjithë Sektorët e Ndërmarrjes.

Sqarojmë se:

1. Zoti Shkëlqim Leskaj vijon të qëndrojë në detyrë, brenda të gjitha tagrave që i atribuohen sipas legjislacionit në fuqi.

2. Zoti Leskaj, vijon të jetë i rregjistruar pranë QKR, si subjekt i legjitimuar në cilësinë e Administratorit të Shoqërisë.

3. Nuk ka patur asnjë ?grabitje? nga titullari sa i përketë vulave dhe librave të protokollëve sikundër pretendohet, ato qëndrojnë sipas legjislacionit në selinë e Shoqërisë.

4. Gjatë kësaj periudhe nga ana e Shoqërisë Ujësjellës Kanalizime Vlorë dhe administratorit të saj, nuk janë nënshkruar kontrata tenderuese për kontatorët matës së ujit (sahatët), klorinimin dhe uniformat e punonjësve.

Gjatë një viti në krye të Ujësjellës Kanalizime Vlorë, Zoti Shkëlqim Leskaj ka drejtuar me përkushtim të plotë në drejtim të shërbimit ndaj qytetarëve, duke qenë maksimalisht i angazhuar dhe i pranishëm kudo në terren, edhe jashtë orarit zyrtar, përfshire edhe orët e vona të natës, për tu dhënë zgjidhje efektive dhe në kohë sa më të shkurtër të gjitha problematikave të shfaqura në rrjetin e ujësjellësit dhe të kanalizimeve.

Të gjitha akuzat e ngritura ditët e fundit në adresë të Zotit Leskaj, janë spekullime, me qëllim dashakeqës për të prishur imazhin e kreut të kësaj Shoqërie dhe për të përbaltur të gjithë aktivitetin dhe energjitë e harxhuara prej tij gjatë gjithë kësaj detyre që po e vazhdon me përkushtim të plotë./CNA.al