"Mblidhni mendjen"/ Lëvizjet e fundit të Bashës, rebelojnë ish-Ministrin: Spekulant, mashtrues

21 Shtator 2021, 08:23, Politikë CNA

Vendimi i kreut të PD-së Lulzim Basha, për përjashtimin e Sali Berishës nga grupi parlamentar, me justifikimin se e kerkoui kupola e SHBA, po kundështohet masivisht.

Ylli Manjani ish-Ministër i Drejtësisë, ka thënë se të të qenit non grata nga një shtet tjetër nuk është ligj që duhet të zbatohet në vendin tonë.

Sipas të njëjtit, çdo vend ka kodet e tij?

?Çdo qeveri në shpinë të kësaj toke, Amerikane, Gjermane, Franceze, Kineze apo Ruse qoftë, njeh dhe respekton të zgjedhurit e një vendi tjetër.

Pa marrë parasysh sa të mirë apo të ligj janë ata për vendin e tyre, ata respektohen. Ky është kodi bazik i marrëdhënieve ndërshtetërore.

Këtë kod ka edhe Amerika. Sa të jesh në kalë të njeh si kalorës. Por re nga kali as do të dijë në ekziston apo jo. As nuk i kërcet fare nëse je apo jo i korruptuar, i mirë apo i keq për vendin tënd.

Ky kod spjegon çdo deklaratë mbështetëse që ata bëjnë për të zgjedhurit në Shqipëri e kudo në botë, pavarësisht sa diktatorë janë në vendet e tyre?, shkruan Manjani në rrjete sociale.

Më tej Manjani shprehet i rebeluar me pritshmërinë që shqiptarët kanë ndaj Amerikës, duke argumentuar se udhëheqësit tanë i zgjedhim ne dhe jo SHBA.

Manjani sugjeron se duhet mbledhur mendja, për të mos lënë vendimet në dorë të spekulantëve dhe mashtruese, duke shenjëstruar kështu Lulzim Bashën.

?Ndaj nuk e kam kuptuar e as e kuptoj pritshmërinë idiote kolektive që e kemi ne shqiptarët që Amerikanët të heqin e të venë në pushtet sipas qejfit!

Them idiote sepse udhëheqësit tanë i zgjedhim vetë jo amerikanët, as rusët, as gjermanët,as kinezët e askush tjetër. Vetëm ne këtu në Shqipëri!

Nongratllëqet, janë mesazhe politiko-diplomatike pakënaqësie jo vendime të detyrueshme për shtetin tjetër. Janë edhe produkt lobbimesh (dihet që mund të blesh deklarata e qëndrime sa të duash në SHBA, mjafton të gjesh lobistin e duhur). Nuk janë as deklarata armiqësie, sepse armiqve të tyre u hedhin bomba jo llafe?

Ndaj sa më shpejt ta mbledhim mendjen se pronar të demokracisë jemi vetë ne, aq më e mirë do bëhet demokracia. Në të kundërt do vendosin gjithmonë spekulantët e mashtruesit, ndërkohë që ne hedhim votën si ujët në havan?, shkruan Manjani./CNA.al