web counter
LEXO PA REKLAMA!

SHKARKO APP

App Store
Google Play

Të ndajmë vlerat dhe gjurmët historike/ Deputetët rumunë, në Bashkinë e Pogradecit

17 Shtator 2021, 12:14, Aktualitet CNA

Me datë 16 Shtator 2021 Deputetë të Parlamentit të Rumanisë, përkatësisht, z. George Adrian Paladi dhe z. Bogdan Alin Stoica në cilësinë edhe të Përfaqësuesit të Minoritetit Shqiptar të Rumanisë, Përfaqësues të shtypit, përkatësisht, z. Cosmin Pretorian, Kryeredaktor (Indiscret.ro), z. Dan Olteanu, Zv/Kryeredaktor (Indiscret.ro), vizituan Bashkinë Pogradec, ku u mirëpritën nga Kryetari i Bashkisë Pogradec, z. Ilir Xhakolli dhe funksionarë të Bashkisë Pogradec.

Takimi konsistoi së pari në bashkëndarjen e vlerave dhe gjurmëve historike dypalëshe si bazë për bashkëpunime të mundshme në fusha të ndryshme.
Së dyti, theksi u vendos në krijimin e lidhjeve të binjakëzimit mes qyteteve Brãila dhe Pogradec, dy qytete që dallojnë për tolerancë, promovim dhe harmoni mes etnive dhe komuniteteve të ndryshme.
U diskutua mbi hapa specifikë për të bashkërenduar bashkëpunime në fushën e artit, kulturës, sipërmarrjeve në fushën e agroturizmit. U konsideruan tejet të rëndësishme bashkëpunimet dypalëshe përmes projekteve IPA (BE), si tregues për arritjen e rezultateve të prekshme.

Në kuadër të bashkëpunimit në fushën e artit dhe kulturës, studiuesi Luan Topçiu, i cili në cilësinë edhe të Koordinatorit mundësoi Takimin dypalësh i dhuroi Bibliotekës ?Mitrush Kuteli? një seri botimesh, periodikësh dhe arkiv të përmbledhur në CD me përmbajtje të aktiviteteve shqiptaro-rumune./CNA.al





Lajmet e fundit nga