web counter
LEXO PA REKLAMA!

SHKARKO APP

App Store
Google Play

“Ndal gjobave politike”/ Akuzat e forta: Goditje selektive ndaj biznesit

15 Shtator 2021, 10:37, Politikë CNA

Partia Demokratike ka denoncuar sot atë që ajo e cilëson si goditje selektive nga ana e qeverisë për mbështetësit demokratë.

Në një deklaratë për mediat, Flamur Hoxha, Sekretar për Klimën e Biznesit, tha se shumë biznese po gjobiten dhe trajtohen si armiq nga ana e qeverisë, për shkak të bindjeve politike.

Mes të tjerash ai tha se Partia Demokratike do të jetë në krah të çdo sipërmarrësi që punon për të rritur ekonominë.

?Sot, shumë prej këtyre bizneseve po trajtohen si armiq. Përmes gjobëvënies në zyrat e bashkive dhe të tatimeve, po tentohet hakmarrja me presion, nënshtrim, ose falimentim e shumë bizneseve në Tiranë dhe disa prej qyteteve kryesore të vendit?, shprehet ai.

Po ashtu, Hoxha shton se ?Partia Demokratike i bën thirrje qeverisë të ndalojë këtë praktike primitive. Bizneset duhen lënë të qetë të punojnë mes kaq shumë vështirësive që u ka krijuar keqqeverisja e Edi Ramës?.

?U bëjmë thirrje bizneseve ta refuzojnë presionin nga kushdo qoftë ai! Partia Demokratike do të jetë në krah të çdo sipërmarrësi që punon për të rritur ekonominë. Gjobat politike janë të papranueshme! Ato rrënojnë biznesin dhe ekonominë e vendit. Goditjet selektive, trajtimi i bizneseve si armiq dhe kundërshtarë politikë nuk e zgjidh hallin e Edi Ramës. Ai është kryeministri i një pakice të dalë nga një masakër zgjedhore, me një ekonomi në krizë, me fare pak investime të huaja dhe me besimin më të ulët historik nga bizneset?, deklaroi Hoxha.





Lajmet e fundit nga