“Edhe një fitore që e ka në jetë e ka prej meje/ Arben Ristani i përvishet Bashës

15 Shtator 2021, 10:29, Politikë CNA

Arben Ristani, i ka kujtuar kreut të PD-së, Lulzim Bashës, kohën kur e bëri kryetar Bashkie.

Në emisionin ?Dekalog? të gazetarit Roland Qafoku në RTSH 24, Ristani tha se edhe një fitore që Basha e ka në karrierën e tij, e ka prej tij.

Kujtojmë se zë zgjedhjet lokale të 8 majit të vitit 2011 për kryetar të Bashkisë së Tiranës garoi Edi Rama dhe Lulzim Basha.

Pas përfundimit të numërimit të votave, Edi Rama rezultoi fitues me 10 vota më shumë se Lulzim Basha.

Por pas një procesi rinumërimi në kutitë e votimit me arsyetimin se disa vota ishin hedhur në kuti të gabuara, Komisiuoni Qendror i Zgjedhjeve, me 4 vota pro dhe 2 kundër, vendosi të shpallë Bashën fitues me 81 vota më shumë se Edi Rama.

Kryetar i KQZ në atë kohë ishte Arben Ristani. Në vitin 2013, pasi Basha u zgjodh kryetar I PD, Arben ristani u zgjidh sekretar i Përgjithshëm i PD, post që e mbajti për katër vjet.

Ristani ka qenë gjatë kësaj kohe një nga kritikët më të fortë ndaj zotit Basha për mënyrën se si po e drejton PD. Në zgjedhjet parlamentare të 25 prillit të këtij viti, Ristani nuk u përfshi nga Basha në listat e kandidatëve për deputet.

Zoti Ristani, në vitin 2011 ju, në cilësinë e kryetarit të KQZ-së keni dhënë vendimin që Basha të shpallej kreytar i bashkisës së Tiranës pas një procesi të hapjes së kutive dhe rinumërimit të votave. Sot, nëse do ishit në atë pozitë, do ta jepnit sërish atë vendim?

Së pari, nuk është vendim personal, por është vendim kolegjial. KQZ është komision kolegjial. Tani ka ndryshuar pak, por në atë kohë ishte kolegjial.

Së dyti, do ta jepja po atë vendim jo një herë por një qind herë. Ose sa herë ta kisha mundësinë. Sepse ishte me të drejtë. Unë kam patur vetëm një vërejtje në atë kohë nga OSBE-ODIHR që ishte për procedurë. Për procedurë kishte dy mundësi.

Përpara se të deklarohej fitorja, ose pasi të deklarohej fitorja. Vota në kutinë e gabuar është aq e vlefshme për të qenë ai vendim që unë kam marrë dhe u konsiderua e vlefshme, saqë më pas u bë pjesë e legjislacionit.

Sot që keni kaq shumë kritika ndaj Lulzim Bashës nuk thoni ç?kam bërë?

Nuk ka të bëjë me atë punë. Por që ka vlejtur, që Basha edhe një fitore që ka në jetë, paskam qenë edhe unë aty.

Por ia ke dhënë ti.

Jo. Ia ka dhënë ligji. Jo unë./CNA.al