web counter
LEXO PA REKLAMA!

SHKARKO APP

App Store
Google Play

E fundit!

x

Presidenti Ilir Meta dekreton qeverinë "Rama 3"

14 Shtator 2021, 18:35, Politikë CNA

Presidenti Ilir Meta ka dekretuar qeverinë Rama 3. Pritet që dekreti të  kalojë në parlamentin e ri për tu votuar nga 140 deputetët.

Presidenti dërgoi më parë një letër në Prokurori, nëpërmjet së cilës kërkoi verifikimin e 16 emrave të propozuar nga kryeministri Edi Rama si ministra.

SPAK dhe prokuroria e Përgjithshme iu përgjigjën duke treguar se asnjë prej ministrave nuk është nën hetim.

Edhe këtë mandat të tretë Rama do të drejtojë qeverinë, si kryeministër. Ndërsa Arben Ahmetaj do të jetë zëvendës kryeministri.

DEKRETI NGA ILIR META

REPUBLIKA E SHQIPËRISË

PRESIDENTI

D E K R E T

PËR EMËRIMIN E KËSHILLIT TË MINISTRAVE

Në mbështetje të neneve 93, 95 pika 1, 96, 97, 98, dhe 99 të Kushtetutës, pas zhvillimit të zgjedhjeve të përgjithshme për Kuvendin e Republikës së Shqipërisë të datës 25.04.2021, rezultati përfundimtar i të cilave është shpallur nga Komisioni Qendror i Zgjedhjeve përmes Vendimit nr. 21, datë 13.07.2021, të Komisionit Rregullator, me propozim të Kryeministrit nr. 4281 prot., datë 11.09.2021, si dhe pas administrimit të informacionit prej organeve ligjzbatuese për verifikimin e kandidatëve të propozuar si anëtarë të Këshillit të Ministrave,

D e k r e t o j:

Neni 1

Emërimin e Këshillit të Ministrave me këtë përbërje:

1) Zoti Edi Rama- Kryeministër;

2) Zoti Arben Ahmetaj ? Zëvendëskryeministër dhe ministër i Shtetit për Rindërtimin dhe Programin e Reformave;

3) Zonja Olta Xhaçka ? Ministër për Evropën dhe Punët e Jashtme;

4) Zoti Niko Peleshi ? Ministër i Mbrojtjes;

5) Zoti Bledar Çuçi ? Ministër i Brendshëm;

6) Zonja Delina Ibrahimaj- Ministër i Financave dhe Ekonomisë;

7) Zonja Belinda Balluku ? Ministër i Infrastrukturës dhe Energjisë;

8) Zonja Evis Kushi ? Ministër i Arsimit dhe Sportit;

9) Zoti Ulsi Manja ? Ministër i Drejtësisë;

10) Zonja Elva Margariti ? Ministër i Kulturës;

11) Zonja Frida Krifca ? Ministër i Bujqësisë dhe Zhvillimit Rural;

12) Zonja Ogerta Manastirliu ? Ministër i Shëndetësisë dhe Mbrojtjes Sociale;

13) Zonja Mirela Kumbaro Furxhi ? Ministër i Turizmit dhe Mjedisit;

14) Zonja Elisa Spiropali ? Ministër i Shtetit për Marrëdhëniet me Parlamentin;

15) Zonja Edona Bilali ? Ministër i Shtetit për Mbrojtjen e Sipërmarrjes;

16) Zonja Bora Muzhaqi ? Ministër i Shtetit për Rininë dhe Fëmijët;

17) Zonja Milva Ekonomi ? Ministër i Shtetit për Standardet e Shërbimeve.

Neni 2

Ky dekret hyn në fuqi menjëherë.

Nr. Dekretit 13213 Tiranë, më 14.09.2021

PRESIDENTI I REPUBLIKËS

ILIR META../ CNA.al





Lajmet e fundit nga