web counter
LEXO PA REKLAMA!

SHKARKO APP

App Store
Google Play

E fundit!

x

Përjashtimi i Berishës/ Nishani: Shkelmi i fundit i Bashës ndaj PD

14 Shtator 2021, 18:01, Politikë CNA

Ish presidenti, Bujar Nishani shprehet se, vendimi i Lulzim Bashës për të përjashtuar Sali Berishën nga grupi parlamentar është shkelmimi i fundit dhe dëm i madh për PD.

Në një inetrvistë për mediat, Nishani tregon se për të ringritur PD, nevojitet një proces politik transformues brenda radhëve të demokratëve.

?Pavarësisht motiveve që e kanë shtyrë apo justifikimet, dëmi që ka shkaktuar edhe me vendimin e fundit që është shkelmimi i fundit është dëm i madh. Vendimi ishte në injorim total të statutit dhe institucioneve, e thelloi edhe më shumë këtë kaos. Vendimi i Bashës e çon PD drejt asgjësimit të saj. Kjo duhet të vijë përmes proceseve politike dhe strukturave. PD-së sot i duhet një tronditje e madhe, shndërrim i madh, riformatim total dhe shkundje radikale për të krijuar nesër një ringritje mbi bazën e atyre kolonave që ka PD në raport me sfidat dhe aspiratat e shqiptarëve?, ka thënë Nishani.

Përsa i përket rrugëtimit dhe të ardhmes së PD, Nishani shprehet se nuk ka alternativë tjetër për PD, ose do të shkojë drejt asgjësimit ose do të bëjë një ndryshim dramatik.

?Nuk ka alternativë tjetër për PD, ose do shkojë drejt asgjësimit të ngadaltë, ose të ndërmarrë një proces dramatik ndryshimi. Qëndrimet e Berishës mund ta ndezin këtë shpresë e projekt. Berisha ka forcë të jashtëzakonshme edhe më shumë se Basha vetë.?

I pyetur nëse beteja mes Berishës dhe Bashës mund të përçajë më shumë PD, Nishani thotë se PD nuk ka qenë kurrë me e përçarë se tani.

?Më e përçarë se sot s?mund të jetë PD, ajo ka prekur fundin. Në situatën që jemi sot a vjen dot PD në pushtet? Demokratët janë të bindur që Basha nuk realizon dot ardhjen në pushtet. Le ta nisim këtë proces me trauma që në objektiv final të ketë një PD më të madhe dhe demokraci funksionale?, përgjigjet Nishani./ CNA.al





Lajmet e fundit nga