E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Të shpallur në kërkim për plagosje me dashje/ Në pranga babai dhe dy djemtë e tij

13 Shtator 2021, 07:00, Kronika CNA

Policia ka vënë në pranga tre persona të cilët janë të akuzuar për veprën penale Plagosje e rëndë me dashje.

Shtetasi N.M dhe djemtë e tij, GJ.M dhe A.M kanë plagosur me thikë shtetasin P.GJ, 44 vjeç. Konflikti ka ndodhur për motive të dobëta dhe përveç plagosjes, kanë dëmtuatr dhe mjetin e këtij shtetasi.

Tre të arrestuarit ishin shpallur në kërkim për veprat penale ?Plagosja e rëndë me dashje?,kryer në bashkëpunim, “Shkatërrimi i pronës” dhe “Mbajtja pa leje e armëve të ftohta”.

?Finalizohet me sukses operacioni policor i koduar “Raja”, për kapjen e personave të shpallur në kërkim.

Kapen dhe vihen në pranga 3 shtetas (babai dhe dy djemtë), të shpallur në kërkim për veprat penale ?Plagosja e rëndë me dashje?,kryer në bashkëpunim, “Shkatërrimi i pronës” dhe “Mbajtja pa leje e armëve të ftohta”.

Në vijim të punës për kapjen e personave të shpallur në kërkim, efektivët e Komisariatit të Policisë Tropojë, në bazë të informacioneve të marra në rrugë operative, pas lokalizimit të vendndodhjes, organizuan punën dhe finalizuan me sukses operacion policor të koduar ?Raja”, si rezultat i të cilit u bë kapja dhe ndalimi i shtetasve:

-Nikë Markaj, 45 vjeç dhe dy djemtë e tij, Gjon Markaj, 23 vjeç dhe Aleks Markaj 22 vjeç, banues në fshatin Tetaj, Tropojë.

Këta shtetas ishin shpallur në kërkim, pasi Prokuroria e Rrethit Gjyqësor Tropojë ka dërguar urdhër për ekzekutimin e vendimit penal të datës 04.08.2021, të Gjykatës së Rrethit Tropojë, e cila ka caktuar ndaj tyre masën e sigurisë “Arrest në burg”, në mungesë, për veprat penale “Plagosja e rëndë me dashje?, kryer në bashkëpunim, “Shkatërrimi i pronës” dhe “Mbajtja pa leje e armëve të ftohta”.

Rrjedhja e ngjarjes:

Më datë 30.07.2021, në aksin rrugor Lekbibaj-Fierzë, në afërsi të vendit të quajtur “Shkëmbi i Rajës”, këta shtetas, në bashkëpunim me njeri-tjetrin, pas një konflikti për motive të dobëta, kanë goditur me thikë shtetasin P. Gj., 44 vjeç, banues në Fierzë. Gjithashtu, në bashkëpunim më njëri-tjetrin i kanë dëmtuar automjetin këtij shtetasi.

Materialet iu referuan Prokurorisë së Rrethit Gjyqësor Tropojë, për veprime të mëtejshme?, njofton policia./ CNA.al