web counter
LEXO PA REKLAMA!

SHKARKO APP

App Store
Google Play

E fundit!

x

Berisha tregon “dhëmbët”/ Zbulon aksionin në vijim

9 Shtator 2021, 19:39, Politikë CNA

Ish-kryeministri Sali Berisha ka folur me tone të forta pas përjashtimit nga grupi parlamentar i PD, duke i drejtuar akuza të forta Lulzim Bashës.

Në një lidhje live për Opinion, Berisha tha se Basha sot mori një vendim për interesa personale.

?Basha sot i ka bërë goditjen më të rëndë, për interesat e veta personale, vendit, PD dhe pluralizmit politik në Shqipëri.

Ajo që kam shprehur dje në intervistë se do bëj gjithçka për rivendosjen e sovranitetit të PD, rikthimin e saj në ato parime të cilat i shkelmoi sot në mënyrë të paimagjinueshme Lulzim Basha dhe pa të cilat forca politike është një fasadë opozitë.?-deklaroi Berisha.

Më tej, ai paralajmëroi se do të ndërmarrë çdo aksion, sikurse e cilësoi ai për rivendosjen e sovranitetit të opozitës.

?Do të ndërmarr çdo aksion për të rivendosur sovranitetin e PD.

Do të krijoj aleancë, do bashkëpunoj me çdo demokrat, me çdo qytetar që beson që se ky vend ka nevojë për një opozitë sovrane.?-u shpreh Berisha.

Berisha foli me tone të forta dhe mjaft i drejtpërdrejtë, ndërsa i drejtoi gishtin Bashës, për çdo veprim politik në këto tetë vite, duke i shkaktuar kosto elektorale katastrofike PD-së.

I pyetur në lidhje me vendimin për djegien e mandateve dhe më pas bojkotin e zgjedhjeve në 2019, Berisha tha ?Unë nëse do kisha bojkotuar ndonjëherë zgjedhje do bojkotoja ato të 2021, pasi dolën të dhënat personale të mijëra shqiptarëve?./CNA.al





Lajmet e fundit nga