web counter
LEXO PA REKLAMA!

SHKARKO APP

App Store
Google Play

“Dje i lëpiheshin Berishës, sot fshihen”/ Nano i përbuz: Çfarë vemjesh, horra

8 Shtator 2021, 08:29, Politikë CNA

Gazetari dhe analisti Mustafa Nano ka reaguar me tone të ashpra, ndaj të gjithë atyre që deri dje trumbetoheshin si pro sih-kryeministrit Sali Berisha, ndërsa sot janë strukur, nuk dëgjohen.

Me anë të një postimi në rrjete sociale, Nano thotë se ndjen neveri prej tyre.

?Kanë qenë të shumtë ata që, në harkun e 25 viteve të fundit, më kanë dalë përballë si berishianë në studio televizive e në faqe gazetash (si polemistë). E kanë mbrojtur Berishën me krenari e vendosmëri, duke m?i sjellë zorrët te goja.

Por edhe duke ma nxirë jetën. Dhe tani që Berisha është në hallin më të madh të jetës së tij, pothuajse të gjithë kanë bërë të ndenjurat mënjanë.

Nuk ka më berishianë. Janë zhdukur si me magji. Kanë zënë të mendojnë keq për idhullin e tyre??, shkruan Nano.

Sipas tij,  fshehja  dhe heshtja e tyre, nuk ka lidhje me vendimin e DASH-it për Berishën, po ata janë lloji, ?kthehu andej nga fryn era?.

?U ka hapur sytë vendimi amerikan për ta shpallur Berishën ?persona non grata?? Nuk besoj. Për mua, po bëjnë atë që kanë bërë edhe kur i lëpiheshin Berishës: Ndjekin e kurojnë karrierën e tyre, që është ngritur mbi parimin ?kthehu andej nga fryn era?.

Prandaj, e kanë qepur gojën. Po presin të ndodhë ajo që ka për të ndodhur, e pastaj të dalin në shesh si anti-berishianë. Unë më shumë përbuzje kam për këta sesa për Berishën, të cilin e konsideroj megjithatë një nga horrat e mëdhenj të historisë së Shqipërisë qysh prej themelimit të shtetit.

 (Ndoshta ia merr në këtë mes Enver Hoxha e Esat Toptani. Ndoshta.) Por ka një soj më të keq sesa këta. Është soji i berishianëve që (janë shumë pak, duhet thënë) s?e kanë pasur për gjë këto ditë t?i kthejnë shpinën Berishës. Madje, po e kritikojnë atë. E kritikojnë nga pozita filoamerikane.

Çfarë vemjesh! Ata që kanë pritur vitin 2021 (dhe vendimin e Departamentit Amerikan të Shtetit) për të kuptuar se kush është Sali Berisha janë vemje, vemje, vemje?, ka përfunduar reagimin Nano./CNA.al





Lajmet e fundit nga