web counter
LEXO PA REKLAMA!

SHKARKO APP

App Store
Google Play

E fundit!

x

Situata pandemike/ Shqipëria dhe Serbia mund të hiqen nga lista e vendeve të sigurta të BE

7 Shtator 2021, 14:41, Aktualitet CNA

Shqipëria dhe Serbia rrezikojnë të hiqen nga lista e vendeve te sigurta të BE, për shkak të përkeqësimit të situatës me pandeminë.

Radio Evropa e Lirë ka mësuar nga burimet e saj brenda BE-së se, Presidenca sllovene e Bashkimit Evropian i ka përfshirë këto vende në mesin e shteteve që rrezikojnë të hiqen nga lista e vendeve të sigurta për udhëtimet në territorin e Bashkimit Evropian.

Për këtë çështje do të diskutohet të mërkurën (8 shtator) nga ana e ambasadorëve të vendeve të BE-së.

Nëse ata do të vendosin pro kësaj mase, qytetarët shqiptarë dhe ata serbë nuk do të udhëtojnë më pa kufizimeve në shtetet e bllokut.

BE-ja e përditëson çdo dy javë listën e vendeve të sigurta dhe atyre me rrezik të lartë infektimi. Vendimet bazohen në të dhënat për numër të infektuarish në raport me popullsinë dhe si Shqipëria ashtu edhe Serbia kanë shënuar përkeqësim të situatës epidemiologjike.

Më 30 gusht, BE-ja zyrtarisht hoqi Kosovën, Malin e Zi dhe Maqedoninë e Veriut nga lista e ?vendeve të sigurta?, për shkak të shifrave në rritje mes përhapjes së variantit delta. Pavarësisht vendimit, Këshilli i BE-së tha se shtetet anëtare mund të vendosin rregulla të veçanta se si do t?i trajtojnë qytetarët e vaksinuar nga këto vende./ REL





Lajmet e fundit nga