Përforcohen masat anti-Covid/ Tre kushte për ata që hyjnë në Shqipëri, pas 6 Shtatorit

4 Shtator 2021, 10:39, Aktualitet CNA

Për të gjithë ata që do futen në Shqipëri pas datës 6 shtator, do duhet t’i nënshtrohen rregullave të reja, që kanë ardhur si reflektim i situatës së COVID-19 në vendin tonë, ku javëve të fundit janë shtuar rastet.

Komiteti Teknik i Ekspertëve më 30 gusht ka vendosur 3 kushte për qytetarët që duan të futen në Shqipëri

Shqipëria ka përfocuar masat anti-Covid për të gjithë ata qytetarë që do të hyjnë në Shqipëri pas datës 6 Shtator.

Pra, javën që vjen kush do të hyjë në territorin e Shqipërisë duhet të ketë ploteuar njërin nga kushtet që ka vendosur Komiteti Teknik i Ekspertëve.

Kushti parë është që të të kenë pasaportën e vaksinimit, ku nga data e vaksinimit të plotë të kenë të paktën dy javë.

Kushti i dytë është nëse nuk kanë bërë vaksinën, atëherë duhet të kenë patjetër testin PCR negativ brenda 72 orëve dhe së fundmi testin e shpejtë të antigenit brenda 48 orëve

Ndërsa kushti i tretë është që të kenë provë të kalimit të infeksionit Sars-Cov2, të vlefshme deri në 6 muaj pas shërimit.

Rregullat e reja

Duke filluar nga data 6 Shtator, qytetarët të cilët hyjnë në Republikën e Shqipërisë nga të gjitha pikat kufitare duhet të plotësojnë një nga këto tre kushte:

Të kenë pasaportën e vaksinimit, ku nga data e vaksinimit të plotë të kenë të paktën dy javë.

Të kenë testin PCR negativ brenda 72 orëve ose testin e shpejtë të antigenit brenda 48 orëve.

Të kenë provë të kalimit të infeksionit Sars-Cov2, të vlefshme deri në 6 muaj pas shërimit.

Këto rregulla janë të vlefshme edhe për ata qytetarë të cilët kalojnë tranzit në Shqipëri.

Fëmijët deri në 6 vjeç nuk i nënshtrohen këtyre rregullave

Qytetarët shqiptarë rezidentë në Shqipëri, të cilët kthehen dhe nuk kanë një nga dokumentat e sipërcituara, duhet të vetëizolohen për 10 ditë dhe të informojnë autoritetin shëndetësor për të kryer një test në fund të periudhës së izolimit.

Në ndërtesën e aeroporteve do të lejohen të hyjnë vetëm pasagjerët që udhëtojnë, duke shmangur shoqërimin nga familjarë të tyre. Këta pasagjerë duhet të zbatojnë me rigorozitet mbajtjen e maskës, ashtu siç është rekomanduar dhe siç po reflektohet ky ndryshim edhe në protokollin e funksionimit normal të aeroporteve./CNA.al