web counter
LEXO PA REKLAMA!

SHKARKO APP

App Store
Google Play

E fundit!

x

Buzëqeshin te Shqipëria, dy yjet e Polonisë përfundojnë në tribunë

2 Shtator 2021, 17:31, Sport CNA

Përfaqësuesja e Polonisë nuk do të ketë sot në dispozicion dy nga yjet e kësaj skuadre të cilët luajnë në Serinë A. Trajneri Paulo Sousa ka grumbulluar 25 lojtarë për sfidën, ndaj është detyruar që të lërë jashtë 23-shes 2 futbollistë të cilët do të ndjekin takimin si spektatorë.

Por pakkush priste që në këtë ndeshje ndaj Shqipërisë të mungonin dy lojtarë të cilët aktivizohen në një kampionat prestigjioz si Seria A. Mediat polake kanë mësuar se emrat e sakrifikuar nga tekniku janë Nikola Zalevski dhe Piotr Zielinski.

Zalevski, pjesë e skuadrës së Romës, është në grumbullimin e tij të parë me përfaqësuesen polake dhe mendohet se në të ardhmen ai do të jetë një pjesë e rëndësishme e skuadrës. Por me sa duket për momentin Paulo Sousa nuk e sheh si të tillë ndaj e ka lënë jashtë për duelin ndaj kuqezinjve, duke shtyrë debutimin e tij,

Nga ana tjetër, situata me Zielinskin e Napolit është e ndryshme. Ai ka qenë i dëmtuar së fundmi dhe gjendja e tij nuk është më optimalja e mundshme. Ndaj Sousa nuk ka rrezikuar duke menduar për ndeshjet e tjera, edhe pse në Poloni të gjithë pritnin që ai të ishte të paktën në stol përballë ekipit kuqezi.





Lajmet e fundit nga