web counter
LEXO PA REKLAMA!

SHKARKO APP

App Store
Google Play

E fundit!

x

Sporti në zi/ Ndahet nga jeta në moshën 58-vjeçare legjenda e futbollit

2 Shtator 2021, 13:10, Sport CNA

Është ndarë nga jeta në mënyrë të papritur legjenda e futbollit gjirokastrit, Mustafa Hysi.

Mësohet se ai ka ndërruar jetë pas një ataku kardiak, ndërsa ishte duke drektuar me shokët në restorant.

Hysi ishte simbol i klubit Luftëtari në vitet ?80. Mustafa Hysi ka trajnuar për shumë sezone skuadrën gjirokastrite si në Kategorinë Superiore dhe në Kategorinë e Parë nga ku e ka shpallur dhe kampion.

Kreu i Federatës Shqiptare të Futbollit, Armando Duka, përmes një postimi në rrjetet sociale, ka shprehur ngushëllimet për këtë humbje të madhe.

Ai thekson se, Mustafa Hysi përveçse një futbollist dhe trajner shumë i mirë, ishte dhe një mik i mrekullueshëm.

“Mësova sot lajmin e hidhur të ndarjes nga jeta të një prej njerëzve që i ka dhënë shumë futbollit të Gjirokastrës, Mustafa Hysi. Fillimisht si lojtar i Luftëtarit, një nga emrat më të dashur për publikun gjirokastrit sëbashku me Bonin, Kallucin, Brahon dhe Seitin në fillimin e viteve 80?, Hysi ka lënë gjurmë të mëdha në futbollin shqiptar. Mustafai e donte shumë këtë skuadër, ku edhe pasi vendosë të varë këpucët si futbollist, vendosi t?i bashkohej stafit drejtues, duke qenë trajner dhe drejtues i Luftëtarit për disa sezone me radhë. Mustafa Hysi perveçse një futbollist dhe trajner shumë i mirë, ishte dhe një mik i mrekullueshëm. Do më mungojë personalisht mua e të gjithë miqve të tij të shumtë. Ngushëllimet e mia më të sinqerta për familjarët dhe miqtë e Hysit.  I paharruar miku im Mustafa Hysi”, shkruan Duka.





Lajmet e fundit nga