web counter
LEXO PA REKLAMA!

SHKARKO APP

App Store
Google Play

Kosova mirëpret grupin e tretë të afganëve/ Mbërrijnë 131 refugjatë

31 Gusht 2021, 16:51, Kosova & Bota CNA

Në Kosovë ka mbërritur avioni i tretë me 131 qytetarë afganë. Ata mbërritën në Kosovë me avionin e forcave amerikane nga Gjermania.

Deri më tani, Kosova ka strehuar 355 afganë, të cilët do të qëndrojnë përkohëshisht.

Më 29 Gusht, Kosova priti avionin e parë me 111 afganë në bord ndërsa i dyti mbërriti mesnatën mes 30 dhe 31 gushtit.

Të gjithë afganët në Kosovë do të strehohen në kampin ushtarak amerikan ?Bondsteel? që është nën komandën e KFOR-it.

Ministri i Punëve të Brendshme, Xhelal Sveçla bëri të ditur se pak pas mesnate, në Kosovë arritën 113 afganë, që ishin bashkëpunëtorë të NATO-s dhe familjet e tyre.

?Strehimi i tyre është i përkohshëm edhe bazuar në vendimet e qeverisë. Ne kemi marrë zotimin e aleatëve tanë që strehimi i tyre të zgjatë sa më shkurt që është e mundur. Bëhet fjalë për çështje javësh, mos të them muajsh?, tha ai.

Sveçla tha se nuk e di numrin e saktë të fëmijëve në grupin e dytë, por edhe të grupit të tretë që erdhi më 31 gusht. Megjithatë, ai tha se nëse është e nevojshme, Kosova do të mundësojë që ata të edukohen.

?Jam i bindur se strehimi i tyre nuk do të zgjasë aq shumë sa të fillohet me përgatitjet e vitit shkollor?, theksoi Sveçla.

Sipas tij asnjë nga shtetasit afganë nuk është i infektuar me koronavirus dhe ata do të vaksinohen me vaksinën e kompanisë Johnson & Johnson, të ofruar nga Shtetet e Bashkuara./ CNA.al





Lajmet e fundit nga