web counter
LEXO PA REKLAMA!

SHKARKO APP

App Store
Google Play

“Askush nuk e dëgjoi”/ Nikoll Lesi tregon mesazhin ulëritës të Mark Markut

28 Gusht 2021, 09:13, Politikë CNA

Gazetari Nikoll Lesi ka komentuar vendimin e profesor Mark Markut, për të lënë mandatin e deputetit.

Në një shkrim të publikuar në gazetën e tij, Lesi I rikthehet Kuvendit të PD, në të cilin sipas tij Marku foli dhe përcolli mesazhe të forta, por askush nuk e dëgjoi.

Sipas Lesit, Marku ka dhënë mesazhin ulëritës për gjendjen ku ndodhet sot Opozita.

?Deputeti i zgjedhur i PD-së Mark Marku dha dorëheqjen me një letër publike, ku lëshonte vikamën e madhe se ku ka sosur Opozita shqiptare.

Ai foli në Kuvendin e PD-së dhe askush nuk e dëgjoi.

Marku luftoi kundër qeverisë dhe kryeministrit në një zonë delikate, ku krimi bleu vota, por nuk u dorëzua.

Mark Marku ka lëshuar thirrjen e madhe duke dhënë dorëheqjen nga deputet demokrat se PD-ja po fiket, po mbyllet në kullën e ish-kryetarit dhe në vilën e kryetarit.

Deputeti i dorëhequr thotë se populli opozitar po gënjehet nga lidershipi i PD-së se gjoja do vijnë në pushtet, por me këtë opozitarizëm vetëm sa i garantojnë me shumë jetën në pushtet Edi Ramës.

Marku iku, por la pas shijen e hidhur se kemi një seli blu ineficente, në mos pazarxhie me pushtetin.

Ai hapi perden e dramës ku demokratët duhet të hapin sytë.

Mark Marku veproi me dinjitet; ua hodhi mandatin mu në oborrin e selisë së PD-së, duke u thënë se ju po shkatërroni idealin opozitar.?-shkruan Lesi./CNA.al





Lajmet e fundit nga