E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Rama mesazh të koduar Bashës/ Çfarë i ofron për “kokën” e Berishës

28 Gusht 2021, 08:30, Politikë CNA

Kryeministri Edi Rama pasditen e djeshme ka zhvilluar një takim me deputetët e rinj dhe të vjetër.

Por, gjatë fjalës së tij në këtë takim, Rama i ka drejtuar një mesazh të ?koduar?, edhe kreut të Partisë Demokratike, Lulzim Basha.

Në mënyrë indirekte Rama duket se i ofroi Bashës ?mbrojtje?, ndërsa në këmbim kërkoi ?kokën? e ish-kryeministrit Sali Berisha.

Rama tha se PD do të hyjë në parlament me një dhëmballë të prishur, duke iu referuar këtu ish-kryeministrit Sali Berisha i cili është shpallur ?Non Grata? nga SHBA.

?Dora e bashkëpunimit për PD do jetë e shtrirë pa kushte pavarësisht nga sjellja e saj. Konflikti në debat sdo jetë më kryefjala e parlamentit. Ne duhet të ndryshojmë drejtim sado që ata ai bien fyellit me t ënjëjtën vrimë, në vrimën e bërë gropë ku kanë rënë vetë 5 herë.

Kush do ta kalojë cakun etik në deklarime publike kush jep shembull të keq në kuvend apo komisione parlamentare, provokime dhe sjellje ekstreme, apo politikë për konflikte dhe jo tema që u interesojnë njerëzve, do jetë një shqetësim jo për opozitën por për grupin dhe për mua. PD do vijë në parlament me një dhëmballë të prishur të cilën ska kurajo ta shkulë dhe as vullnet ta qetësojë. Infektimi i fytyrës së PD nga ajo dhëmballë duke bërë PD të pavotueshme dhe të shpërfyturuar. Pavarësisht se kemi lënë përshtypje të ndryshme sduhet ta kemi gjatë mandatit të 3 luftën me PD. Në fund të këtij mandati sdo vlerësohemi për çfarë i thamë dhe çfarë i bëmë PD, po për sa më lart do ta ngjisim Shqipërinë?.

Në fakt ajo që është e qartë në deklaratën e kryeministrit, është se ai publikisht i kërkoi Lulzim Bashës përjashtimin e Sali Berishës nga grupi parlamentar, duke i ofruar kështu edhe ?haraçin? e tij.

Nga ana tjetër kujtojmë këtu se prej 17 majit 2017, pas një marrëveshje të bërë në mesnatë mes Ramës dhe Bashës, detajet e së cilës nuk u bënë publike kurrë, nuk kanë munguar bashkëpunimet dhe as mesazhet e koduara të bëra publikisht, nga Rama dhe Basha.

Gjatë këtyre viteve, koha e ka treguar se Basha dhe Rama janë një ?dyshe fantastike?. Basha mban Ramën në pushtet, ndërsa ai vetë mban karrigen e kryetarit të PD, dhe shton bizneset e familjes së tij./CNA.al