web counter
LEXO PA REKLAMA!

SHKARKO APP

App Store
Google Play

Situatë kaotike në Kabul/ Talebanët pengojnë largimin e afganëve nga vendi

24 Gusht 2021, 15:36, Kosova & Bota CNA

Zëdhënësi i talebanëve, Zabihullah Mujahid, ka deklaruar se talebanët nuk do ta lejojnë më që shtetasit afganë të shkojnë në aeroportin e Kabulit, për shkak të situatës kaotike që është krijuar aty.

Gjatë një konference për mediat, Mujahid-i është shprehur se njerëzit e mbledhur në aeroport duhet të shkojnë në shtëpi, duke shtuar se siguria e tyre do të garantohet.

Ai ka shtuar se Shtetet e Bashkuara po vazhdojnë që të ftojnë njerëzit në aeroport, në mënyrë që të evakuohen me aeroplanë.

?Ne kërkojmë nga amerikanët që të mos inkurajojnë afganët që të largohen. Ne na duhet talenti i tyre?, thotë ai.

Po ashtu, Mujahid tha se nuk mendon se afati për evakuimin nga Kabuli do të shtyhet. Presidenti i Shteteve të Bashkuara, Joe Biden ka thënë se ai shpreson që deri më 31 gusht të mund të tërhiqen të gjitha forcat amerikane, por ai po përballet me presion nga aleatët evropianë dhe Britania që ky afat të zgjatet.

Sipas Mujahid, ka kohë të mjaftueshme që shtetasit e huaj të largohen deri më 31 gusht, duke shtuar se talebanët ?nuk kanë favor? që shtetasit afganë të lejohen të largohen.

Zëdhënësi i talibanëve tha po ashtu se mediat afgane kanë rifilluar punën dhe po ashtu janë rihapur spitalet, shkollat, universitetet dhe qeveria lokale.

Rreth 50 mijë  të huaj dhe afganë janë larguar nga Afganistani përmes aeroportit të Kabulit, që nga dita kur talebanët morën kontrollin e Kabulit, më 15 gusht. Këtë e kanë deklaruar anëtarë të Qeverisë Amerikane./CNA.al





Lajmet e fundit nga