E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Biznes me drejtësinë, gjyqtarët dhe prokurorë që u kapën nga SHISH/ Arben Kraja paralajmëron arrestime

23 Gusht 2021, 10:17, Aktualitet CNA

Ditët e fundit në media ka qarkulluar një raport i SHISH, i cili jepte alarmin për gjyqtarë dhe prokurorë që i kanë kthyer në institucionet e drejtësisë në biznes.

CNA.al ka kontaktuar me kreun e SPAK, z. Arben Kraja, i cili ka thënë se korrupsionin në sistemin e drejtësisë e kanë përparësi për ta hetuar.

Kraja ka sqaruar edhe bashkëpunimin me SHISH, duke thënë se shqetësimi i tyre është real.

?Ekziston si fenomen dhe ne e kemi goditur ato raste, kemi filluar hetimet dhe i kemi çuar për ndjekje penale. Janë të gjitha ato raste që ne kemi bërë publike për prokurorë dhe gjyqtarë që janë filluar hetimet për korrupsion dhe në pjesën më të madhe të tyre i kemi çuar për gjykim. Informcionet e SHISH nuk i përdorim në proces penal se është e saktësuar me Ligj. Informacionet e SHISH kalojnë në shumë shkallë nuk përdoren drejpërdrejt, por përdoren si bazë për të kryer verifikime?, është shprehur Kraja.

Kujtojmë se tre prokurorë dhe dy gjyqtarë të akuzuar për korrupsion pasiv në sistemin e drejtësisë si dhe shpërdorimi të detyrës, janë arrestuar me urdhër të SPAK në 1 vit.

Maksim Sota prokuror në Gjykatën e Shkallës së Parë, Vlorë ishte magjistrati i fundit arrestuar në kuadër të operacionit ndërkombëtar kundër trafikut të drogës. Të arrestuarit nuk i ishin nënshtruar procesit të verifikimit kalimtar ndërsa pas ndalimit për ta Inspektori i Lartë i Drejtësisë nisi hetim disiplinor.

Më herët po me urdhër të Prokurorisë së Posaçme janë arrestuar drejtuesi i Prokurorisë së Kukësit, Edmond Karriqi, prokurori i Sarandës, Sali Hasa, ish-gjyqtarja e Krujës, Enkeleida Hoxha si dhe ajo e Korçës, Mimoza Margjeka.

Korrupsioni pasiv i gjyqtarëve, prokurorëve dhe funksionarëve të tjerë të drejtësisë si dhe shpërdorimi i detyrës, janë akuzat e ngritura nga SPAK ndaj tre prokurorëve dhe dy gjyqtareve./CNA.al