E fundit!

07:24 Ekonomi

Monedhat e huaja në minimumin historik/ Kursi i këmbimit, 15 korrik 2026

Këtë të mërkurë një dollar amerikan blihet me 81.3 lekë dh...

VIDEO/ Vendos koreani Son, Tottenhami mposht kampionët në start

15 Gusht 2021, 17:48, Sport CNA

Prej disa javësh, Tottenham dhe Manchester City po duelojnë në merkato për shërbimet e Harry Kane, me ?Spurs?-at që dëshirojnë të mbajnë ende në ekip kapitenin dhe Guardiolën që e kërkon me ngulm te ?Citizens?.

Kjo garë merkatoje u bë edhe më interesante nga shorti, që vuri përballë dy skuadrat që në javën e parë të kampionatit, ndërsa në fund festuan londinezët, që triumfuan me rezultatin minimal 1-0, falë një goli të koreanit Son.

Sfida nisi më mirë për të besuarit e Guardiolës, që si gjithmonë, morën kontrollin e topit dhe në minutat 5? dhe 6? kërcënuan me Fernandihnon e Cancelon, por pa ia dalë të shqetësojnë portierin veteran francez, Hugo Lloris.

Nga ana tjetër, rasti i parë i rrezikshëm për vendasit e Nuno Spirito Santo u regjistrua në minutën e 25-të, kur pas një daljeje të pa studiuar mirë nga braziliani Ederson, topi shkoi te Lukas, që gjuajti menjëherë, por ndërhyrja e Gundogan mbi vijën fatale të portës shmangu golin.

Në minutën e 40-të londinezët patën një tjetër rast të rrezikshëm, këtë herë me sulmuesin Hueng Min Son, i cili u shërbye saktë në zonë dhe ndonëse i vetëm me Ederson, gjuajti jashtë kuadratit duke shpërdoruar një tjetër mundësi për të kaluar të tijtë në avantazh.

Goli për ?Spurs?-at ishte rrotull dhe erdhi vetëm në minutën e 56?, kur holandezi Bergwijn shërbeu saktë në zonë për Hueng Min Son, i cili këtë herë nuk mund të gabonte sërish dhe ia doli të mposhtë portierin Ederson e t?u japë avantazhin të tijve.

Goli zgjoi skuadrën e Guardiolës, që iu afrua golit në minutën e 75-të me anë të blerjes më të bujshme të kësaj vere, Jack Grealish, por tentative e ish futbollistit të Aston Villës u ndal nga portieri Hugo Lloris.

Gardiani francez u bë hero edhe në minutën e 84-t, pasi këtë herë bëri një pritje fantasitke ndaj fantazistit belg Kevin De Bruyne, i cili la pas dëmtimin dhe u aktivizua në 15 minutat e fundit të ndeshjes nga Pep Guardiola.

Deri në vërshëllimën finale të Anthony Tailor, rezultati mbeti i pandryshuar, me Nuno Espiruito Santo që debuton me fitore në pankinën e Tottenham dhe kampionët në fuqi, që zhgënjejnë në performancën e parë zyrtare.

Nga ana tjetër Harry Kane, i cili ndoqi ndeshjen e sotme nga tribuna, tani duhet të mendojë mirë nëse ia vlen të largohet nga Tottenhami drejt Manchester City-t.