web counter
LEXO PA REKLAMA!

SHKARKO APP

App Store
Google Play

E fundit!

x

Pogba e ka vendosur, i bashkohet projektit te Realit vitin e ardhshëm

15 Gusht 2021, 15:11, Sport CNA

Paul Pogba është duke planifikuar të ardhmen e tij dhe, nga sa kuptohet për momentin, mesfushori i mirënjohur francez duket se ka ndër mend të respektojë deri në fund kontratën me Manchester United, për t?u larguar më pas me parametra zero nga ?Djajtë e Kuq?. 28-vjeçari me origjinë nga Guinea ka pasur vazhdimisht probleme me drejtuesit e klubit më të titulluar anglez, në lidhje me rinovimin e kontratës. Shpeshherë numri 6 i ?Red Devils? është kritikuar ashpër në shtypin britanik për shkak të lidhjes së tij të fortë me menaxherin Mino Raiola, që kujdeset për të drejtat e tij.

Marrëdhënia e tij pësoi një lloj krisje me krerët e klubit si dhe ish-trajnerin Jose Mourinho, në janarin e vitit 2018 kur kiliani Alexis Sanchez la Arsenalin për të kaluar në radhët e ?djajve të kuq?, duke u bërë në këtë mënyrë futbollisti më i paguar në Ishull, me më shumë se dyfishin e pagës kundrejt mesfushorit Paul Pogba. Pas shkarkimit të portugezit dhe emërimit të norvegjezit Ole Gunnar Solskjaer në postin e trajnerit, marrëdhënia e tij si me drejtuesit ashtu edhe tifozët u përmirësua, por gjithsesi Pogba është shigjetuar vazhdimisht gjatë gjithë kësaj periudhe, për mungesën e besnikërisë dhe deklaratat e tij kontradiktore, që i hapnin dyert kohë pas kohe në njëfarë mënyre klubeve të tjera si Real Madrid, Paris SG, Barcelona apo edhe Juventus.

Tani duket se Paul Pogba e ka ndarë mendjen përfundimisht, për të vijuar karrierën te United për edhe këto 12 muajt e fundit, përpara se të transferohet falas verën e ardhshme te Reali i Madridit. Ëndrra e mesfushorit ishte të kalonte në radhët e klubit ?merengues?, për t?u vënë nën urdhrat e bashkëkombasit të tij Zinedine Zidane, por Zizou u dorëzua dhe hoqi dorë nga ?Los Blancos?, duke i dhënë në këtë mënyrë timonin veteranit italian, Carlo Ancelotti. Pavarësisht situatës shumë të vështirë financiare, që po përjeton Reali i Madridit, natyrisht për shkak edhe të pasojave që ka sjellë pandemia e koronavirusit, emri i klubit të famshëm kryeqytetas është lidhur vazhdimisht me lojtarë si Kylian Mbappe, Erling Haaland dhe tani së fundmi ka dalë në skenë përsëri edhe mesfushori që në vitin 2018 u kurorëzua në Moskë me titullin botëror, për më tepër duke shënuar vetë në finalen e madhe ndaj Kroacisë.

Ndonëse për momentin në dukje Kylian Mbappe po tregohet i përmbajtur, sedra e sulmuesit të talentuar të Paris SG është lënduar pas mbërritjes së Lionel Mesit dhe numri 7 i kuqebluve mund të transferohet që këtë muaj në Madrid, prandaj të gjithë janë duke pritur me kureshtje reagimin e presidentit Florentino Perez, që është i famshëm për ndërhyrjet e tij spektakolare pikërisht në ditën e fundit të merkatos. Natyrisht idea është e qartë dhe 74-vjeçari po bën çmos për të ndërtuar një Real të frikshëm për të ardhmen. Në këtë mënyrë, pas 22-vjeçarit Kylian Mbappe Florentino Perez pritet të sulmojë sezonin tjetër gjithashtu edhe norvegjezin Erling Haaland, i cili ka një klauzolë largimi prej 76,4 milionë eurosh, që hyn në fuqi pikërisht verën e vitit 2022.

Sigurisht, nëse dyshja e përfaqësueses franceze Mbappe ? Pogba transferohet me parametra zero te Reali sezonin tjetër, atëherë ?Los Blancos? i kanë të gjitha mundësitë që me paratë e kursyera të mundin lehtësisht gjithë konkurrencën që pritet të vijë ngë klubet rivale të Manchester United, Chelsea-t, Paris SG-it dhe Bayern-it për Erling Haaland, që korrikun e ardhshëm do të mbushë 22 vjec. Paul Pogba shkëlqeu që në sfidën hapëse të edicionit të 30 në Premier League, në fitoren 5-1 që ?Djajtë e Kuq? siguruan brenda në ?Old Trafford?, në derbin famëkeq me Leeds-in. 28-vjeçari parizien e mbylli takinin me plot katër asiste, duke u shndërruar kështu në futbollistin e shtatë në historinë e Premiershipit Anglez që dhuron katër pasime për gol, brenda një ndeshje të vetme të kampionatit anglez.





Lajmet e fundit nga