web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti-Perlat e Sandër Lleshajt në krye të MB/ Zbulohet dashuria për Plarent Ndrecajn

11 Gusht 2021, 09:47, Aktualitet CNA

Në Shtator të vitit 2020 Plarent Ndreca, sekretar i Përgjithshëm i Ministrisë së Brendshme, dha dorëheqjen, në rrethana të paqarta. Ai e mbajti këtë post për rreth një viti, pasi ishte emëruar më 18 korrik të 2019-s.

Misteri i dorëheqjes së tij nuk është më pak i çuditshëm se sa fjalët me të cilat ish-Ministri i Brendshëm Sandër Lleshaj përshkruan Ndrecën.

Me anë të shkresës që mban datën 15 Dhjetor 2020, Lleshaj duket i emocionuar nga puna që kishte bërë Ndreca dhe e rekomandonte që të shkonte më lart.

?Kam vlerësuar shumë sjelljen profesionale, komunikimin. entuziasmin e Z. Plarent Ndreca, kur ai nisi punën si Sekretar i Përgjithshëm i Ministrisë së Brendshme, në Korrik të vitit 2019.

Gjatë ushtrimit të detyrës së tij, ai ka treguar seriozitet, përkushtim e përgjegjësi të lartë, duke u vendosur jo rrallë si nismëtar në përmirësimin e legjislacionit apo si mbështetës i refomave në siguri dhe modernizimin e administratës?, thuhet në dokumentin që mban numër protokolli 8941.

Më tej Lleshaj, nëpërmjet ?fjalëve të dashurisë? për Ndrecajn, zbulon se në Ministrinë e Brendshme ishte punuar secili në hesap të vet, pa një rregull pune.

Kështu e thotë ish-Ministri, që frymën e punës në grup, apo në ekip, në Ministrinë e Brendshme e futi Plarent Ndrecaj.

?Me vendosmërinë që e karakterizon për të përmirësuar çdo proces administrativ dhe menaxherial, përmes mendësisë së punës në ekip, ai forcoi dhe riorientoi kapacitetet njerëzore dhe nxiti kulturën e punës bazuar në produkt, duke bërë të mundur krijimin e një strukture efektive dhe eficente në funksion të përmbushjes së programit qeverisës dhe detyrimeve ligjore?, shkruan më tej Lleshaj.

Nuk dihet nëse ky i fundit mban edhe fotografinë e Plarent Ndrecaj në dhomën e tij, por nga fjalët e shkruara për të, del që Ndreca paska luftuar edhe krimin e organizuar.

?Me eskpertizën e tij, të nivelit të lartë dhe eksperiencën e gjatë në fushën e e së drejtës, Z.Ndreca ka qenë kontribuues kryesorë dhe mbështetës në përmirësimin e legjislacionit në fushën e sigurisë, luftës kundër krimit të organizuar dhe çështjeve të tjera të brendshme.

Duke njohur nivelin e lartë professional dhe integritetin e z.Plarent Ndreca, e rekomandoj me bindje të plotë për kryerjen e detyrave të një niveli më të lartë drejtues në administratë dhe në fushëne  drejtësisë me besimin se ai do të përmbushë çdo detyrë që merr përsipër?, përfundon dokumenti i shkruar dhe i firmosur nga Lleshaj.

Në fakt aq shumë duket se ka kontribut Ndrecaj tek krimi i organizuar, saqë SPAK, e ka futur në sitë Ministrinë e Brendshme, për disa tendera.

Dhe Lleshaj nuk ka gënjyer kur ka thënë se Ndreca futi frymën e ekipit në MB, pasi në grup i prangosi edhe Struktura e Posaçme Antikorrupsion./CNA.al





Lajmet e fundit nga