E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Sali Berisha si komunisti i fundit i Ramizit

7 Gusht 2021, 10:49, Aktualitet CNA

Nga Arjan Galdini

Lëvizja e Re si parti e djathtë dhe opozitare, mbështet energjikisht dhe pa asnjë rezervë vendimet dhe qëndrimet e Sekretarit të Shtetit Blinken, si edhe qëndrimet e përsëritura të Ambasadores Amerikane Yuri Kim për ti dhënë fund historisë me të korruptuar e të plotfuqishëm të pandëshkueshëm në politikën shqiptare.

Ne si LRE besojmë se pluralizmi politik i fituar me firmën e Ramiz Alisë në dhjetorin e vitit 1990, ka qenë një pluralizëm i rrjeshëm, i diktuar e stisur nga vetë Ramiz Alia.

Fakti që pas 30 vitesh ne kemi një pluralizëm me “Liderë Historikë” dhe Liderë të Pagabueshëm e të Pandëshkueshëm, është dëshmia më e qartë e dështimit tonë të madh e mos arritjes së standarteve e vizionit demokratik për të cilin u ngritëm, luftuam e shpresuam në fillimin e viteve ’90.

Fakti që pas 30 viteve, kemi ende histori personale liderësh që kthehen në çështje kombëtare e në debate ndarëse në shoqëri, janë dëshmia më e qartë e pikëlargësisë sonë nga demokracia dhe Perëndimi.

Fakti që pas 30 viteve Lideri Historik e mbyt liderin në detyrë, është dëshmia më e qartë se mungon botëkuptimi demokratik.

Fakti që pas 30 viteve Lideri Historik thërret në aleancë çdo qytetar e anëtar të partisë së tij, për të mbrojtur Liderin Historik, është dëshmia e prapakthimit historik.

Që Shqipëria të mos ketë më pasoja nga haxhiqamilizmi dhe dumbabizmi, e djathta dhe opozita në Shqipëri, duhet ta konsiderojë qartazi Sali Berishën si komunistin e fundit të Ramiz Alisë që ka marrë peng Partinë e Parë Opozitare dhe të Djathtë në vendin tonë.

E djathta duhet të jetë me SHBA.

Sali Berisha është me Ramiz Alinë e duhet lënë tek e shkuara njëlloj si çdo rudiment i së shkuarës komuniste.

LRE u bën thirrje të gjithë të djathtëve dhe opozitarëve në Shqipëri që të ndahen qartazi nga komunisti i fundit i Ramiz Alise shoku Sali Berisha e të deklarohemi të gjithë së bashku pro SHBA dhe pro Perëndimit.

Që të kemi të ardhme, duhet të zgjedhim SHBA dhe Perëndimin.

LRE është e djathta humane, pro Reformës në Drejtësi dhe pto SHBA./CNA.al