web counter
LEXO PA REKLAMA!

SHKARKO APP

App Store
Google Play

E fundit!

x

Aktivistja i nxjerr “bojën” Lames pas skandalit/ Nuk duhet të jesh në zyrë

6 Gusht 2021, 15:58, Politikë CNA

Në muajin Prill të këtij gazetari investigativ, Artan Hoxha publikoi një audio-përgjim, ku objekt ishte kreu i Kadastrës, Artan Lame.

Ky i fundit, dëgjohej duke folur për procesin e legalizimit për ta përdorur si kartë fitoreje për PS-në.

Ndërkohë, sot në një konferencë për media në Vlorë, Lames i është rikujtuar nga gazetarët audio-përgjimi.

Lame ka thënë që edhe sot nuk i heq një fjalë atij përgjimi, pra do të ripërsëriste të njëjtat kërkesa në këmbim të votave.

Në lidhje me këtë deklaratë të Artan Lames, ka reaguar edhe aktivistja Elona Caslli.

Në një postim në rrjetet sociale, Caslli shkruan se në një shoqëri normale ta pohosh këtë me figurë dhe me zë para publikut, të nesërmen e gjen veten gjithkund, por veç në zyrën ku je aktualisht jo.

Sipas, Casllit, ftohtësia me të cilën Lame rrëfeu gjithçka, ishte e frikshme.

?Ku po shkojmë?!

Kreu i Kadastrës, Artan Lame në një deklaratë publike, pa iu dridhur në asnjë çast qerpiku apo zëri deklaron;

Isha i shtrënguar t’i gënjeja ata njerëz për procesin e legalizimit, pasi nëse nuk do t’i gënjeja do shkonin të gjithë mish për top tek opozita dhe do e votonin dhe nëse ajo masë njerëzish votonte opozitën, do të ishte humbje e madhe për Partinë Socialiste.

Në një shoqëri normale Lame ta pohosh këtë me figurë dhe me zë para publikut, të nesërmen e gjen veten gjithkund, por veç në zyrën ku je aktualisht jo. Ftohtësia me të cilën rrëfeje gjithçka, ishte e frikshme.

Post Scriptum- Je dëshpërimisht larg nga ajo çka mund të jetë njeriu.?-shkruan Elona Caslli./CNA.al

Video-?Mish për top me palën tjetër?/ Artan Lame thellon skandalin me audio-përgjimin





Lajmet e fundit nga