web counter
LEXO PA REKLAMA!

SHKARKO APP

App Store
Google Play

Teuta luan sot në transfertën irlandeze, stadiumi do jetë i tejmbushur

5 Gusht 2021, 06:10, Sport CNA

?Të gjitha biletat për këtë ndeshje janë shitur. Ju ftojmë ta ndiqni në TV ose përmes kanaleve tona të komunikimit?. Ishte ky njoftimi zyrtar që bënte dje gjatë pasdites klubi irlandez, Shamrok Rovers, lidhur me ndeshjen që do të zhvillohet sot kundër Teutës në orën 21:00 në stadiumin ?Tallaght?.

Kapaciteti i këtij impianti është 8 mijë vende dhe sot Teutën e pret një tifozëri shumë e zjarrtë. Bardhejeshilët e Shamrokut po kalojnë një moment të shkëlqyer në kampionat, pasi kryesojnë renditjen të shkëputur me tri pikë nga ndjekësi më i afërt pas 22 javësh. Kampionët e Irlandës njihen si një skuadër që mbështeten masivisht, me tifozë që krijojnë një atmosferë të jashtëzakonshme në ?Tallaght?.

Interesant është fakti se pronar i stadiumit është Këshilli i Qarkut në Dublinin e Jugut, ndërsa Shamroku mbetet qiramarrës. Impianti ka nisur të ndërtohet në vitin 1996, por plotësoi standardet e UEFA-s në 2009-ën, pas disa investimeve që u bënë në ndërtimin e tribunave. Rekordi i të pranishmëve në stadiumin ku sot do të luhet Shamrok-Teuta është në një finale të Kupës në vitin 2009 dhe miqësoren me Realin e Madriti ku pati 10.900 shikues, teksa u vendosën tribuna portative për të plotësuar interesimin.





Lajmet e fundit nga