web counter
LEXO PA REKLAMA!

SHKARKO APP

App Store
Google Play

E fundit!

x

Ministria e Mbrojtjes jep informacion për zjarret/ Ku paraqitet situata më problematike  

5 Gusht 2021, 21:02, Aktualitet CNA

Ministria e Mbrojtjes ka dhënë informacion zyrtar në lidhje me vatrat e zjarrit në vend.

Në njoftimin e Ministrisë së Mbrojtjes bëhet e ditur se mbrëmjen e sotme se janë izoluar disa nga vatrat e zjarrit në vend, por ka ende vatra aktive.

Gjithashtu, Ministria e Mbrojtjes deklaron se në Karaburun vijon puna për shuarjen totale të flakëve, teksa momentalisht nuk ka asnjë rrezik. Problematike sipas Ministrisë situata është në Majën e Rrunës në Kukës.

?Pas një pune të palodhur dhe të pandërprerë të efektivëve të Forcave të Armatosura dhe punonjësve të shërbimeve zjarrfikëse e pushtetit vendor janë arritur të izolohen disa nga vatrat e zjarrit në vend, por ende mbeten aktive disa të tjera.

Në Karaburun puna po vijon për shuarjen totale të flakëve, edhe pse është mbyllur pjesa më e madhe. Momentalisht nuk ka asnjë rrezik.

Në Gjirokastër situata është stabilizuar. Mbetet aktive një vatër në fshatin Saraqinisht, e cila nuk paraqet rrezik.

Edhe zjarri në fshatin Gadurovë, në Mallakastër është nën kontroll dhe pa rrezikshmëri.

Zjarri në fshatin Cukal, në Shkodër vijon të jetë aktiv, por pa rreziqe të evidentuara.

Në malin e Shëngjinit, në Lezhë vatra është izoluar.

Zjarri në fshatin Kalis, në Kukës po mbahet nën kontroll, ndërsa është eliminuar rreziku për banesat.

Ndërkaq problematike situata e zjarrit vijon të jetë në Majën e Rrunës, në Kukës. Flakët kanë përfshirë pjesën më të madhe të malit, por situata po mbahet nën kontroll për të mos rrezikuar banesa.?-thuhet në deklaratë./CNA.al





Lajmet e fundit nga