“Amerika ka marrë në dorë SPAK-un”/ Ngjela paralajmëron ngjarje të mëdha në politikë

4 Gusht 2021, 18:28, Politikë CNA

Avokati Spartak Ngjela ka folur për thirrjen e Ambasadores Amerikane, Yuri Kim, e cila kërkoi lista të pastra në parlamentin e ri shqiptar.

Spartak Ngjela theksoi se ligji i dekriminalizimit nul lejon futjen ne parlament të personave që janë të shpallur non-grata në Amerikë, prandaj dhe Amerika kërkon që ish-Kryeministri Berisha të mos futet në Parlament.

?Duhet të jemi të qartë. Kur i ka ardhur ftesa nga Rama, Basha e ka refuzuar. Prandaj ka hyrë në lojë politika e madhe. Ky ka romanin ?edhe i vetëm do luftoj?. Basha nuk është shprehur për aatë i kërkuan ata. Në jurisprudencën moderne heshtja është pohim. Deri tani ai është në pohim. Nuk besoj se do ketë kundërshtim nga Basha, sepse nuk e lejon ligji. Ligji pengon personin non-grata të hyjë në Parlament?, tha Ngjela, në një intervistë për Fax News.

Sipas avokatit, Amerika ka marrë në dorë SPAK-un, dhe tashmë kërkon të marrë në kontroll dhe parlamentin , gjë të cilën e vërteton deklarata e fundit të Yuri Kim.

?Politika amerikane nuk po i ndahet luftës për vendosjen e drejtësisë në Shqipëri. Ambasadorja nuk është e para herë që flet kështu. Mund të jetë e 100-ta. Politika amerikane po këmbëngul për vendosjen e drejtësisë dhe goditjen e krimit shtetëror. Ana tjetër e medaljes është se ajo thotë një gjë të rëndësishme. Ajo i thotë të dy palëve, duhet të bëni pastrimet për ata që duhet të hyjnë në parlament. Ata që janë non-grata në Amerikë, duhet të mos lejohen të hyjnë në Parlament. Kërkon një bashkëpunim të tyre në Parlament, sepse një parlament bashkëpunues është i nevojshëm për vijimin e reformës në drejtësi, sepse do të ketë ligje të tjera. Mazhoranca socialiste nuk ka 2/3. Ajo i thotë bashkëpunoni se ne nuk heqim dorë. SPAK e drejton politika amerikane, ajo nuk diskutohet. Tani ajo thotë dua të drejtoj dhe parlamentin?, u shpreh Ngjela.

Avokati Ngjela ka përjashtuar kategorikistht mundësinë që politika amerikane të kontrollohet nga Kryeministri Rama. Ai shtoi se shtatori mendohet të ketë ngjarje të rëndësishme politike në favor të funksionimit të drejtësisë

?Nuk ka mundësi që politika amerikane të drejtohet nga Rama. Ata ja kanë thënë. Politika amerikane nuk urdhëron. Ja kanë sugjeruar dhe ajo doli e tha. Pak ditë më parë bëri presion të hapur diplomatik. Tha ose hajde me ne, ose ik me Saliun dhe hani bar. Ata Berishën në parlament nuk do ta pranojnë. Ambasadorja thotë respektoni ligjin. Hyni në Parlament me një bashkëpunim dhe të pastrohen ata që i kap ligji i dekriminalizimit. Shtatori mendohet të ketë ngjarje të rëndësishme politike në favor të funksionit të drejtësisë?, tha ai.