web counter
LEXO PA REKLAMA!

SHKARKO APP

App Store
Google Play

Dilema te Lazio, Strakosha apo Pepe Reina titullar?

31 Korrik 2021, 13:33, Sport CNA

Nga Simone Inzaghi tek Maurizio Sarri, dilema për titullarin e portës bardhekaltër përsëritet një vit më vonë. Kë të zgjedhë midis Pepe Reina dhe Thomas Strakosha? Trajneri ende nuk e ka komunikuar vendimin e tij. Pas përgatitjeve në Auronzo, priten vlerësime të tjera nga kampi stërvitor i Marienfeld, i cili do të fillojë të hënën e ardhshme.

Reina përfaqëson siguri, veçanërisht për Sarrin, i cili e kishte atë ?nën armë? edhe te Napoli dhe ka folur gjithmonë mirë për të. Strakosha, nga ana tjetër, me kontratën e tij që skadon më 2022, dëshiron të rindizet dhe të marrë përsëri dorezat si titullar te Lazio. Midis të dyve, duhet theksuar, ekziston një marrëdhënie e shkëlqyer.

?Është kënaqësi të punosh me Pepe, ai më inkurajon të bëj më të mirën?, ? shpjegoi Thomas, i intervistuar nga kanalet zyrtare në mes të korrikut. Për momentin, ish-portieri i kombëtares spanjolle është titullari në kokën e Sarrit. Ai e njeh trajnerin, ka karizëm për të udhëzuar mbrojtjen dhe 143 paraqitjet me fanellën e Napolit gjithashtu llogariten.

Në përgatitoren e Gjermanisë, megjithatë, të dy do të luftojnë për vendin e titullarit. Në Empoli, pastaj, më 21 gusht, zgjedhjet përfundimtare të Sarrit do të zbulohen. Ndeshja e parë zyrtare e sezonit; kushdo që do të jetë në portë është i destinuar të jetë titullari.





Lajmet e fundit nga