E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Duro nuk iu trembet belgëve: Besoj te grupi edhe ndaj Anderlehtit

30 Korrik 2021, 13:06, Sport CNA

Trajneri Shpëtim Duro ndihet shumë i lumtur për suksesin që arriti skuadra e tij në Rumani. Në një prononcim të dhënë për ?Panorama Sport? pas kualifikimit historik, Duro tregon si ia doli ekipi i tij ndaj Universitateta Krajovës, çfarë vlerëson te Laçi, si dhe për përballjen e radhës në Konferencë Ligë me Anderlehtin.

Trajneri u shpreh për gazetën gjatë kohës që ekipi po udhëtonte drejt aeroportit dhe festa nuk ndalej te kurbinasit. ?Sigurisht që jemi shumë të lumtur, bashkë me skuadrën për këtë arritje historike. Tani që po flasim bashkë jemi rrugës për në aeroportin e Krajovës dhe akoma vazhdojnë festimet në ekip. Kemi kaluar një kundërshtar jashtëzakonisht të vështirë nga çdo pikëpamje, si nga ndërtimi i ekipit, por edhe nga potenciali i madh financiar.

Këtë sukses e kemi arritur në bazë të forcës së grupit. Sigurisht që nuk ishim favoritë, kur shorti na vuri përballë Universitatea Krajovës, por suksesi i skuadrës është totalisht i merituar, duke iu referuar të dyja ndeshjeve, si në Elbasan dhe në Rumani. Kemi bërë një punë madhështore, ndonëse kishim një ndryshim mbi 40% të ekipit nga sezoni i kaluar. Kemi bërë një punë profesionale dhe sigurisht suksesi është në sajë të punës?, u shpreh fillimisht trajneri Duro.

VLERËSIMI- Shpëtim Duro është arkitekti i suksesit të Laçit në Europë, por për këtë gjë ai vlerëson forcën e grupit. ?Nuk do të veçoja asnjë futbollist, pasi skuadra ka qenë e përqendruar te forca e grupit. Janë djem shumë të mirë, profesionistë dhe gjithë atë punë që kanë bërë më vjen mirë që e shpërblyen në Rumani me këtë kualifikim historik për Laçin?, vijoi trajneri i Laçit.

ANDERLEHTI- Në lidhje me përballjen me Anderlehtin trajneri Duro u shpreh: ?Kemi bërë histori duke kaluar dy ture dhe jemi më të qetë tashmë. Nga nesër (sot) do të fillojmë të mendojmë për Anderlehtin duke e analizuar së bashku me stafin dhe duke e parë përmes videove. Të festojmë tani këtë sukses që arritëm në Krajovë, pasi kemi kohë për ta përgatitur dhe menduar për Anderlehtin. Dihet se çfarë emri dhe potenciali ka kundërshtari, por unë bazohem te forca e skuadrës sime, te puna e ekipit, ndaj them se do të bëjmë një paraqitje dinjitoze?