web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu po bind/ Memelli: Jam i kënaqur me sulmuesin Bismark

30 Korrik 2021, 15:11, Sport CNA

Skënderbeu i sezonit të ri po merr formë dhe duket se gjërat po shkojnë ashtu siç i ka dashur edhe vetë trajneri i korçarëve. Përpos tetë mungesave thelbësore në ekip, numri një i pankinës së Skënderbeut, Migen Memelli, është i kënaqur me atë që të tijtë treguan në ndeshjen e fundit përgjatë pjesës së parë të takimit. Pas ndeshjes Memelli është shprehur i kënaqur me të tijtë, veçanërisht në pjesën e parë të takimit, atëherë kur luajtën ata që trajneri i konsideron si pjesë thelbësore të ekipit.

?Mund të them se ka qenë një test i vlefshëm për ne ai i së mërkurës ndaj Gjilanit. E them këtë pasi kam marrë përgjigje tejet pozitive veçanërisht në pjesën e parë të ndeshjes, atëherë kur luajtën edhe lojtarët që unë i quaj thelbësorë për ekipin. Pavarësisht se kishim tetë mungesa nga Skënderbeu i një sezoni më parë, zhvilluam një ndeshje të mirë, duke treguar vlera për vijimësinë. Kjo më le të kuptoj se gjithçka po shkon më së miri. Unë jam i kënaqur për aq sa pashë në këtë takim, megjithëse është ende herët, pasi edhe ngarkesat në këtë moment janë të mëdha?, theksoi fillimisht Memelli.

Memelli gjithashtu është shprehur i kënaqur me të dy lojtarët e afruar, veçanërisht me Bismarkun, që sipas tij, do të jetë një plus më shumë për ekipin. ?Të them të drejtën jam shumë i kënaqur nga ajo që treguan dy lojtarët e rinj. Veçanërisht Bismarku. Sulmuesi dha volum loje dhe tregoi cilësi, që me thënë të drejtën, janë për t?u vlerësuar. Mund ta quaj pozitive edhe paraqitjen e Asantes në krahun e djathtë të mbrojtjes, pavarësisht se për atë duhet të presim edhe pak. Ka nevojë ende për kohë për të lënë shenjë tek unë. Gjithsesi, mund të them që edhe pse nuk janë në gjendjen e tyre më të mirë, kanë treguar gjëra të rëndësishme dhe kjo është tepër e vlerësueshme nga ana ime?, vijoi Memelli.





Lajmet e fundit nga