web counter
LEXO PA REKLAMA!

SHKARKO APP

App Store
Google Play

E fundit!

x

Akuzat e Petro Koçit për tenderat/ Reagon kryebashkiaku Subashi  

29 Korrik 2021, 20:33, Politikë CNA

Kreu i Bashkisë së Fierit, Armando Subashi ka reaguar për herë të parë publikisht në lidhje me akuzat e deputetit të zgjedhur të PS, Petro Koçi, sipas të cilit krimi ka shtrirë tentakulat në tendera.

Në një prononcim për mediat, Subashi e quajti diversion, kanalizimin e akuzave në drejtim të tij, duke theksuar se e mbështet shqetësimin e Koçit.

Ai theksoi se ku ka shkelje, secili duhet të mbajë përgjegjësitë e veta.

Subashi tha nga fusha e mbetjeve në Fier, se kanë qenë mediat ato që kanë tentuar të shtrembërojnë një shqetësim të deputetit ndërsa shtoi se SPAK nuk ka qenë kurrë në institucionin e bashkisë që ai drejton për të hetuar në lidhje me këtë akuzë.

?Ndaj meje? Ndaj meje? Këtu je duke abuzuar. Nuk i bën dot këtë diversione me PS. Në asnjë momente në deklaratat e Koçit nuk është bërë asnjë sinuatë me bashkinë. Ne nuk jemi kundër edhe ne i mbështesim. Ku ka shkelje secili duhet të mbajë përgjegjësitë e veta. Por meqë ma bërë këtë pyetje pa dyshim që për mua ka qenë spekulim i pastër i shumë mediave.

Me dashje apo dashje janë munduar të shtrembërojnë një shqetësim dhe ta kanalizojnë drejt bashkisë. Duke vendosur një deputet kundër kryetarit të Bashkisë ky është një lajm. SPAK nuk ka qenë në bashkinë e Fierit. Ky është një lajm i rremë. Çdo institucion është i hapur për çdo hetim për çdo gjë që organet ligjzbatuese mund ta hetojnë. Fakti që një institucion shkon për të bërë hetim nuk është fundi i botës. Përkundrazi është shumë mirë?, deklaroi Subashi.





Lajmet e fundit nga