E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

“Kë paguajnë Llaguret e Rilindasve”/ Arben Malaj “shuplakë” Erion Braçes

29 Korrik 2021, 09:08, Politikë CNA

Ish-Ministri i Financave, Arben Malaj ka reaguar në lidhje me ikjen e të rinjve nga Shqipëria.

Malajt thotë se ky fenomen ka njohur rritje, pasi monopolizimi i shërbimeve ka bërë që të rinjtë të ndihen të braktisur dhe të mos gjejnë hapësirë të integrohen në tregun e punës.

Më tej Malaj, ka shenjëstruar zëvendëskryeministrin Erion Braçe.

?Kë paguajnë “Llaguret e Rilindasve” nga politikanët dhe drejtuesit e autoriteteve që duhet të garantojnë tregje të lira, që duhet të mbrojnë konsumatorët?

Pse zv.kryeministri Erion Braçe që mund ta marrë vendimin brenda ditës për ti rrëzuar keto monopole, pozita dominuese dhe abuzuese sidomos në tregjet e shërbimeve nuk vepron??, ka shkruar Malaj në rrjete sociale.

Deklarata e plotë:

Të rinjtë e braktisin Shqipërinë, sepse “Llaguret e Rilindasve” jo vetëm në Vlorë po monopolizojne tregjet e mallrave dhe shërbimeve.

Ata zhvasin e vjellin shqiptarët, pasurohen deri në mënyrë kriminale, pengojnë konkurencën e lirë, rritin fitimet e tyre abuzive duke penguar hapjen e tregjeve shërbimeve, sepse rritin çmimet abuzive.

Ata shtrentojnë jetën e mijëra individëve dhe familjeve.

Profesionet e lira janë sot profesionet e pa mundësive të lira.

Inspektoriatet në disa raste janë forma abuzive për fitime jo ligjore duke rritur artificialisht vështirësitë dhe kostot e biznesit.

” Llaguret e Rilindasve”, hajdute të parave dhe shpresës së shqiptarëve sfidojnë edhe vetë shtetin.

Me bizneset e tyre informale dhe kriminale ndërtojnë vila luksoze, ndërsa teknikët profesioniste dhe studentët shqiptare pengohen të futen në këto tregje dhe gjejnë si zgjidhje të vetme të braktisin vendin e tyre.

Kë paguajnë “Llaguret e Rilindasve” nga politikanët dhe drejtuesit e autoriteteve që duhet të garantojnë tregje të lira, që duhet të mbrojnë konsumatorët?

Pse zv.kryeministri Erion Braçe që mund ta marrë vendimin brenda ditës për ti rrëzuar keto monopole, pozita dominuese dhe abuzuese sidomos në tregjet e shërbimeve nuk vepron?

Shqetesimi im qytetar dhe profesional nuk ka të bëjë vetëm me një rast, nuk është vetëm për një lloj shërbimi, nuk është vetëm për një profesion, nuk është vetëm për qytet.

Ky model abuzimi, korrupsioni dhe kapjes së shtetit edhe në tregun e shërbimeve vret shpresën e mijëra shqiptare dhe i detyron të braktisin familjet nga Shqipëria.

Edhe mos veprimi nga qeveritarët për të mos e ndalur monopolet, pozitat dominuese abuzive dhe vjedhjet që përbëjnë krim është bashkëfajësi./CNA.al