web counter
LEXO PA REKLAMA!

SHKARKO APP

App Store
Google Play

E fundit!

x

Politikanët shqiptarë që “vranë babain”/ Kujt i referohet Artan Fuga

26 Korrik 2021, 10:35, Politikë CNA

Profesor Artan Fuga, i ka drejtuar një mesazh politikës shqiptare, ndërsa heq edhe një paralele me Psikanalizën e Frojd.

Në një postim në rrjetet sociale, Fuga shkruan se politikanë shqiptarë që kanë hedhur nga froni shefat e tyre në partitë politike, duke dashur ta paraqesin nën një këndvështrim frojdist egon e tyre, e kanë quajtur “vrasje të babait”.

Por, sipas Fugës, është për të ardhur keq që ata nuk e njohin Frojdin.

Sipas tij, po ta kishin lexuar qoftë një rresht do të kuptonin se duke deklaruar këtë kanë vrarë jo babain, por bëjnë “vetëvrasje simbolike”.

?Sa keq që nuk e njohin Frojdin!

Se po ta kishin lexuar qoftë një rresht do të kuptonin se duke deklaruar këtë kanë vrarë jo babain, por bëjnë “vetëvrasje simbolike”.

Sipas Frojdit, kur dikush kujtohet për “babën” që ka vrarë, e bën atëhere kur ai vetë është “bërë” babë që përgatitet ta “vrasin” fëmijët! Ndjen rrezikun. Dhe në ndihme sjell pendesën për babain që ka “masakruar” në rini.

Janë shenja senile të një pushteti të pleqëruar, më fal, të plakur!

Kush kujtohet për “babanë” që ka “vrarë”, në fakt e përdor nostalgjinë sepse është bërë gati të “vrasë” fëmijët që po i ngrenë krye.

E sigurt!

Brejtja për “krimin” kundër “babait” nuk është për psikanalizën veçse justifikim i shtypje të kryengritjes të fëmijëve që kanë ngritur krye!?-shkruan Artan Fuga./CNA.al





Lajmet e fundit nga