web counter
LEXO PA REKLAMA!

SHKARKO APP

App Store
Google Play

E fundit!

x

“Një “kuti e zezë” në Fier”/ Petro Koçi bën deklaratën e fortë, pas dëshmisë në SPAK

26 Korrik 2021, 10:08, Politikë CNA

Jashtë dyerve të SPAK, ku dha sot llogari për deklaratën e tij se trafikantët e kriminelët po fusin duart te tenderat në Fier, deputeti i zgjedhur i PS, Petro Koçi, vijoi me deklaratat e forta.

Në një prononcim për mediat, Koçi tha se bota e krimit në Fier është e lidhur me politikën, ku mes të tjerash, deklaroi se në marrëdhënie me LSI, ka ndikuar në zgjedhjet e fundit.

?Bota e krimit në Fier ka pasur lidhje të konsoliduar me politikën. Mund t?iu them që në marrëdhënie me LSI ndikuan në zgjedhjet e fundit. Kam një vullnet të palëkundur për të bashkëpunuar me organet e drejtësisë. Ka zyrtarë që janë lodhur nëpër zyra dhe i janë përkulur presionit të krimit.

SPAK është i lirë dhe i detyruar nga ligji të veprojë ndaj kujtdo që ka shkelur ligjin dhe bashkëpunon me krimin. Unë nuk jam as prokuror, as gjyqtar, dhe as në Policinë e Shtetit, por kam një përvojë si ish-ministër i Rendit dhe për të gjitha këto që fola jam shumë i bindur. Unë nuk jam hetues që të kërkoj dokumente konkrete dhe të jap emra. Fakti që njerëzit e kësaj bote hyjnë më kollaj në punë se njerëzit e thjeshtë, tregon se janë më influentë?, tha Koçi.

Ndërsa i pyetur nga gazetarët nëse ekziston një ?kuti e zezë? në Fier, Petro Koçi tha se ?Unë do luftoj që jeta politike të jetë më e pastër. Nëse iu i referoheni historisë sime personale ju e dini që kam bërë kallzime edhe për administratën e PS.

Unë jam shumë i qartë, po të mos isha i qartë nuk do ishin tronditur shumë njerëz.?

Këmbënguljes së gazetarëve, për të thënë emra konkretë, Koçi iu përgjigj ?Ju jeni gazetarë. I dini më mirë se unë. Unë nuk jam as prokuror  as gjyqtar, por kam përvojë si ish minister I Rendit. Unë nisem nga diskutimet që kam me qytetarët?./CNA.al





Lajmet e fundit nga