web counter
LEXO PA REKLAMA!

SHKARKO APP

App Store
Google Play

E fundit!

x

SPAK thërret Mirel Mërtirin dhe zyrtarët e inceneratorëve

21 Korrik 2021, 10:04, Aktualitet CNA

Zyrtarë të kompanive të përfshira në koncensionin e inceneratorëve, por edhe drejtues të këtyre kompanive janë thirrur nga SPAK, për t?u pyetur në lidhje me hetimet që po bën ky institucion, pas shumë denoncimeve lidhur me atë që quhet afera qindra-milionëshe e inceneratorëve.

CNA.al ka qenë një nga mediat që ka denoncuar skandalin në lidhje me inceneratorin e Elbasanit me vlerë 22 milionë euro, atë të Fierit, 28 milion euro dhe të Tiranës 128 milionë euro. (Lexo këtu)

Pra, rreth 178 milionë euro të dhëna me koncension nga Qeveria shqiptare në kompani të lidhura me Klodian Zoton, Stela Gugallen, bashkëjetuesen e Mirel Mërtirit, i cili sëbashku me dy personat e mësipërm, njihet si truri i kësaj afere skandaloze e cila shkon përtej vlerës koncensionare në shuma rreth 400 milion euro.

Burime nga SPAK, i thanë CNA.al se ky institucion ka thelluar hetimet e tij, ka mundur të sigurojë një numër të madh shkresash dhe një dokumentacion mjaft voluminoz dhe gjithashtu janë bërë thirrje dhe janë marrë në pyetje shumë zyrtarë shtetërorë, por edhe përfaqësues të kompanive në lidhje me këto kontrata koncensionare.

Inceneratorët fillmisht u paditën në SPAK, nga Nisma-Thurje dhe më pas nga Partia Demokratike, por zyrtarisht Opozita në muajin Shtator të vitit 2020, kur u bë pjesë e denoncimit të kësaj afere, ka mbyllur gojë, megjithëse në media janë zbuluar fakte skandaloze në lidhje me pagesa të zyrtarëve shtetërorë që kanë përfituar para nga kompanitë zinxhir të lidhura me inceneratorët.

CNA.al gjithashtu ka mësuar se Mirel Mërtiri, Klodian Zoto dhe Stela Gugallja apo përfaqësues të tjerë të kompanive të cilët kanë përfituar koncensionet janë thirrur dhe do të thirren në SPAK  për t?u pyetur në lidhje me çfarë ata kanë dijeni dhe procedurat që janë ndjekur apo për t?u përgjigjur, rreth fakteve dhe dokumenetave që ka siguruar SPAK-u për këtë aferë korruptive./CNA.al

Inceneratorët, histori krimi dhe korrupsioni/ Rama, një mal me para, për një mal me plehra

Skandali/ 78 milionë euro për inceneratorë që nuk ekzistojnë

Koncesioni 128 milion euro/ Plas skandali në Shqipëri, kompania ndryshon emër në Hollandë

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Kush është Mirel Mërtiri, njeriu i inceneratorëve, ortaku i Ben Blushit, i dënuar nga gjykatat

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Thellohet skandali/ Kompania e konçesionit 128 milionë euro asnjë eksperiencë, filloi në Shqipëri





Lajmet e fundit nga