LEXO PA REKLAMA!

SHKARKO APP

Berisha poston foton me Merkelin/ Shpreh trishtim për viktimat nga përmbytjet shkatërruese

19 Korrik 2021, 20:25, Aktualitet CNA
Berisha poston foton me Merkelin/ Shpreh trishtim për viktimat nga

Ish-kryeministri i Shqipërisë, Sali Berisha ka shprehur trishtimin e tij të madh për situatën të cilën po kalon Gjermania tani, gjatë përmbytjeve që kanë marrë qindra jetë njerëzish.

Në emër të tij dhe njerëzve të dashur, Berisha i shpreh ngushëllimet më të thella familjeve të viktimave. Në një postim në rrjetet sociale Berisha ka publikuar foto me zyrtarë gjermanë, përfshirë kancelaren Angela Merkel.

Berisha thotë se ai gjithnjë e ka pasur pikë referimi shtetin gjerman dhe vlerat që ai përfaqëson.

?Të dashur qytetarë gjermanë,
imazhet e përmbytjeve të ditëve të fundit kanë mbushur zemrën time me trishtim. Kombi gjerman ka qenë gjithmonë një pikë referimi e shkëlqyeshme për mua dhe për qeveritë që unë kam udhëhequr në të kaluarën. Lutjet dhe dashuria ime ju shoqërojnë në këto orë të vështira. Jam i sigurt se po flas edhe në emër të njerëzve të mi të dashur të cilët Gjermania gjithmonë i ka admiruar. Ne u shprehim ngushëllimet më të thella familjeve të viktimave. Zoti ju bekoftë dhe ju ruajtë të gjithëve.
Sali Berisha dhe populli shqiptar ju përqafojnë?, shkruan Berisha./CNA.al

Lajmet e fundit nga