E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Doganat fshehin skandalin me pesticidet kineze/ Jeta e qytetarëve në rrezik nga zyrtarë të lartë të politikës

21 Korrik 2021, 09:00, Aktualitet CNA

Me anë të disa shkrimeve investigative radhazi,CNA.al, ka denoncuar një aferë të prëmasave të mëdha, ku dyshohet se janë përfshirë zyrtarë të lartë të politikës, zyrtarë të Qeverisë ?Rama?.

Afera skandaloze daton në vitin 2018, ku sasi të mëdha pesticidesh që përdoren në bujqësi, janë sjellë nga Kina në Shqipëri.

CNA.al tregoi me dokumente ekskluzive, sesi në vendin tonë kanë hyrë më mijëra kuti me pesticide kineze, të pacertifikuara nga Bashkimi Europian, të cilat ndaloheshen nga ligji.

Sipas dy dokumenteve që po sjellim më poshtë, sasi pesticidesh të ndaluara janë ngarkuar në Kinë, më pas nga Shanghai drejt Durrësit.

Janë jo pak, por rreth dy mijë kilogram në një zë, më pas 2500 litra në një zë tjetër, dy mijë litra në një tjetër zë, dhe një mijë kg po në një zë tjetër

Sipas këtyre dokumenteve, se sasia që ka mbërritur, është një sasi mallrash e marrë në Shangai të Kinës dhe është sjellë më pas në Shqipëri.

Pra, përmes doganave janë futur në Shqipëri, pesticide kineze, të cilat ndalohen rreptësisht nga ligji të hyjnë në Shqipëri, pasi lejohen vetëm ato të çertifikuara nga BE. (Lexo këtu)

Këto pesticide sipas të gjitha gjasave kanë përfunduar tek konsumatori duke e përshkallëzuar më tej skandalin.

Por ajo çfarë e thellon më tej këtë aferë korruptive dhe vrasëse, pasi vihet në rrezik jeta e konsumatorëve është heshtja e institucioneve.

Mirë që nuk e ndjejnë përgjegjësi që të reagojnë vetë, por as ku i pyet nuk lëvizin, duke e fshehur skandalin dhe duke u bërë palë në krim.

Doganat heshtin për skandalin

CNA.al me anë të shkrese që mban datë 15.06.2021, i është drejtuar Drejtorisë së Përgjithshme të Doganave. me disa pyetje ,me qëllim për të hedhur dritë mbi këtë skandal.

?Në thellim të investigimit të kësaj çështje kërkojmë edhe bashkëpunimin tuaj, ndaj po ju dërgojmë pyetjet e mëposhtme.

1.Cilat janë kompanitë që kanë sjellë pesticide në Shqipëri, përgjatë viteve 2017-2021.

2.Sa ka qenë sasia që ka sjellë çdo kompani përgjatë periudhës 2017-2021.

3.Nga e kishin origjinën pesticidet e sjella nga kompanitë përgjatë kësaj periudhe.

4.A ka pasur kontrolle nga Dogana nëse kanë hyrë pesticide të rrezikshme dhe të paligjshme. Nëse po çfarë është konstatuar??

Këto janë pyetjet që CNA.al i ka drejtuar Drejtorisë së Përgjithshme të Doganave.

Por, kur ka kaluar më shumë se një muaj, nuk ka denjuar të kthejë përgjigje, duke shkelur kështu jo vetëm nenin 23, pika 1,dhe 2 të Kushtetutës mbi të drejtën për informim dhe në nenin 11 të Ligjit Nr. 119/2014, por mbi të gjitha duke e fshehur skandalin, duke u bërë palë me ata zyrtarë që me futjen e pesticideve të paligjshme kineze, kanë dënuar me vdekje konsumatorët shqiptarë.

CNA.al ka raportuar më herët, duke iu referuar burime të saj, se fillimisht skandali në fjalë ka shkuar drejt Prokurorisë së Durrësit, për t?u hetuar si dhe ka pasur edhe një hetim, apo informacion të plotë, dhënë nga Drejtoria e Informacionit, Analizës së Riskut dhe Monitorimit, në dogana. (Lexo këtu)

Por çfarë ka ndodhur me këto hetime? Të gjitha gjasat tregojnë se janë bllokua.

Pasi nga dokumentet që CNA.al ka publikuar në vijimësi, sasitë e pesticideve kanë mbërritur në vendin tonë dhe kanë qenë politikanë të lartë që kanë ndërhyrë, për lirimin e këtyre sasive, për t?u zhdoganuar më tej. /CNA.al

Skandal me perimet, në tregje/ Produkte me pesticide mbi normat, të ndaluara në BE

Plehra kimike kineze për shqiptarët/ Braçe kërkoi largimin e drejtorit që zbuloi skandalin

Dokumentet ekskluzive-Thellohet skandali me plehrat kimike kineze në Shqipëri/ Zbulohen të tjera detaje

Ekskluzive-Skandali, plehra kimike kineze për shqiptarët