E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Balo Ture flet si kuqezi: Nuk e besoj dot që jam lojtar i Milanit

20 Korrik 2021, 20:23, Sport CNA

Për katër vitet e ardhshme do të jetë kuqezi, por Fode Balo Ture mezi pret ndeshjet me fanellën e re. 24-vjeçari është prezantuar dje nga Milani si blerja më e re, teksa djaloshi i ardhur nga Monako ka dhënë edhe një intervistë për televizionin e klubit.

Cilat janë emocionet e para pas firmës me Milanin?

Kur nisën bisedimet nuk po e besoja dot dhe ende më duket si diçka e jashtëzakonshme. Edhe kur situata u bë konkrete nuk e besoja dot, deri në momentin që mbërrita në Milano. Më vjen mirë se si rrodhën ngjarjet, pasi për mua Milani është një ëndërr.

Mendoni t?i rrëmbeni vendin Teo Hernandezit?

Është një lojtar shumë i fortë që është rritur shumë në sezonet e fundit. Ai është ndër lojtarët më të rëndësishëm te Milani dhe unë mendoj të ndjek gjurmët e tij.

Në skuadër ju pret edhe miku Menja?

Jemi rritur bashkë në akademinë e PSG-së dhe për ca kohë kemi luajtur te Lila. Majku për mua është si vëlla, pavarësisht se kemi dy nëna të ndryshme. Forca e tij mendore është e jashtëzakonshme. Kur do diçka është i vendosur dhe mendërisht lojtarët e tillë janë të rrallë.

Përveç Serisë A, përvoja të reja edhe në Champion. Jeni gati?

Në Champions jam kualifikuar me Lilën, por nuk e luajta dot pasi u transferova te Monakoja. Kam provuar UEFA Youth League, që është një lloj Champions-i, por për të rinjtë. Niveli dukshëm është krejt tjetër, ndaj unë mezi pres të luaj Champions-in me Milanin duke treguar njëkohësisht edhe vlerat e mia.

Si e patë Italinë në Europian?

E ndoqa. Skuadra më pëlqeu e nuk e pashë aq mbrojtëse sa e ka namin. Sipas meje, e merituan Europianin dhe unë po bëj tifo për ?Axurrët??

Cilat janë karakteristikat tuaja më të mira?

Luaj në mënyrë agresive, jam i shpejtë, i vendosur dhe i fortë mendërisht. Jashtë fushe ama jam një person i mirë.

Keni ndonjë mesazh për tifozët?

Mund t?u them tifozëve se do të jap 200% për fanellën. Edhe nëse nuk do të jetë e lehtë, uroj të më mbështesin. Në futboll ka ulje dhe ngritje, shpresoj se ata do të duan të më ndihmojnë në kohë të vështira dhe unë me të vërtetë do të bëj gjithçka që të jem në gjendje t?i bëj të lumtur. Shpresojmë të kemi një sezon të shkëlqyeshëm. Forca Milan!