web counter
LEXO PA REKLAMA!

SHKARKO APP

App Store
Google Play

E fundit!

x

“Zgjodhi Korçën për të bërë stërvitje”/ Luiza Gega optimiste për Lojërat Olimpike, tregon objektivat

18 Korrik 2021, 20:01, Sport CNA

Atletja shqiptare, Luiza Gega e cila do të garojë në Lojrat Olimpike, ?Tokyo 2020?, ka zgjedhur Korçën, për tu stërvitur.

Në një intervistë ekskluzive për CNA.al, atletja Luiza Gega tregon se Korça është vendi që kalon më shumë kohë, pasi është më e freskët dhe më e përshtatshme për tu stërvitur.

Duke qënë sportiste distancash më bën shumë mirë të stërvitem në lartësi. Në fakt unë qëndroj në Dardhë dhe stërvitem në stadiumin e Skënderbeut. Arsyeja tjetër është që Korça është më e freskët se qytetet e tjera dhe unë në fakt ndihem me fat që kam zgjedhur Korcën sepse më pëlqen vërtet shumë edhe kaloj më shumë kohë se në Tiranë që unë jetoj. Pjesën më të madhe e kaloj në Korçë.?-tha Luiza Gega, për CNA.al.

Duke u ndalur tek Lojrat Olimpike, Luiza Gega u shpreh mjaft optimiste, ndërsa tregoi edhe objektivat që ka për këtë aktivitet, duke theksuar se qëllimi i saj është finalja.

?Shkoj si pretendente për të hyrë në finale. Rezultatet e mia janë fakt për të hyrë në finale dhe ky është objektivi im kryesor hyrja në finale.?-u shpreh Luiza Gega për CNA.al.

Më tej, ajo foli edhe për gjendjen e saj, ku theksoi se ?Ndër arsyet që unë jam kaq e lumtur dhe i pres me kaq emocion është pikërisht kjo që unë gëzoj shëndet të plotë dhe jam në gjendje të mirë fizike. Jam vërtet optimiste?.

Më poshtë intervista e plotë e atletes Luiza Gega, për CNA.al:

-Pse ke zgjedhur Korçën këtë vit për të bërë stërvitje?

Në fakt jo vetëm këtë vit, unë kam shumë vite që zgjedh Korçën kryesisht në sezonin e verës për dy arsye. E para është që duke qënë sportiste distancash më bën shumë mirë të stërvitem në lartësi. Në fakt unë qëndroj në Dardhë dhe stërvitem në stadiumin e Skënderbeut. Arsyeja tjetër është që Korça është më e freskët se qytetet e tjera dhe unë në fakt ndihem me fat që kam zgjedhur Korcën sepse më pëlqen vërtet shumë edhe kaloj më shumë kohë se në Tiranë që unë jetoj. Pjesën më të madhe e kaloj në Korçë.

Vitin e kaluar keni bërë stërvitje në Kenia, si ka qënë ajo eksperiencë duke qënë se ka qënë pandemi?

Atëherë unë shkova pikërisht për t?u stërvitur për Lojrat Olimpike. Shkoj në fakt në Kenia në periudhën e dimrit sepse  edhe i ftohti nuk është se na jep rezultate në stërvitje dhe për këtë arsye unë zgjodha Kenian sepse është më ngrohtë dhe është lartësi. Ndërkohë qëlloi që ishte periudha e fillimit të pandemisë dhe u bllokuan të gjitha rrugët dhe unë ngela në Kenia për 3 muaj e gjysëm. Pastaj ishte më e vështirë nga sa unë e prisja sepse momentin që unë shkova në Kenia, Komiteti Olimpik Botëror deklaroi që lojrat olimpike do shtyheshin për 1 vit dhe atëherë ishte shumë e vështirë dhe mezi u ktheva në Shqipëri.

Objektivi juaj për këto Lojra Olimpike?

Lojrat olimpike le të themi që janë ëndërr për çdo sportist, është evenimenti më i madh botëror dhe sportistët stërviten për 4 vite për të qënë pikërisht për këto lojra. Jam shumë e lumtur që shkoj me norma në këto Lojra Olimpike dhe shkoj si pretendente për të hyrë në finale. Rezultatet e mia janë fakt për të hyrë në finale dhe ky është objektivi im kryesor hyrja në finale.

Në çfarë distance do të konkuroni këtë vit?

Atëherë unë shkoj në disiplinën 3000 metra me pengesa dhe jam e kualifikuar. Në 2019 unë për herë të parë edhe në historinë e atletikës shqiptare por edhe unë si sportiste hyra në finalen e botërorit dhe u radhita e 9-ta. Hyra në top 10-shen më të mirë të botës.Tani unë me plus -minus me të njëjtët sportistë do të konkuroj dhe për këtë flas me bindje të plotë që finalja është e arritshme dhe do jetë fakt e sukses për mua, për karrierèn time sportive por dhe për sportin e atletikës sepse kurrë nuk kishte hyrë në një finale europiani, pastaj botërori dhe të shpresojmë që do të jetë olimpiade.

Trajneri çfarë thotë lidhur edhe me gjendjen tënde fizike?

Gjithcka ka shkuar mirë dhe kemi pasur një fokus për këtë garë dhe gjithë viti pavarsisht se ketë vit nuk shkova jashtë dhe në verë dhe në dimër pavarsiht vështirësive të stërvitem në Shqipëri. I ftohti, ditët me shi na ndikojnë në progresin e stërvitjes por për fat të mirë çdo gjë ka shkuar mirë. Për fat të mirë nuk kam asnjë dëmtim pasi në Lojrat e shkuara Olimpike në Rio unë shkova në fakt e dëmtuar në tendinën e Akilit dhe ka qënë shumë e vështirë për mua. Kjo është ndër arsyet që unë jam kaq e lumtur dhe i pres me kaq emocion është pikërisht kjo që unë gëzoj shëndet të plotë dhe jam në gjendje të mirë fizike. Jam vërtet optimiste./CNA.al





Lajmet e fundit nga