E fundit!

14:51 Aktualitet

Video- Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

Situata nga Covid/ Greqia mund të mbyllë ishujt turistikë

16 Korrik 2021, 15:51, Kosova & Bota CNA

Edhe pse po bën të pamundurën për një sezon sa më të suksesshëm turistik, Greqia ka paralajmëruar se rritja e rasteve të reja për shkak të variantit Delta mund të çojë në mbylljen e ishujve nëse ata futen në zonat e kuqe.

Ekspertët parashikojnë që vendi fqinj të ketë deri në 10,000 infeksione çdo ditë në gusht dhe rajoni i Selanikut dhe disa nga ishujt më turistikë janë më të prekurit. Pesë ishuj të njohur janë vendosur në zonat e ” portokalli”: Myikonos, Ios, Paros, Santorini dhe Kretë. Ekspertët thonë se ka një rritje prej 300% të rasteve brenda një jave në Mykonos, 500% në Ios, 700% në Paros.

Në Heraklion rastet janë trefishuar, ndërsa në Rethymno janë regjistruar dyfishimi i rasteve krahasuar me javën e kaluar.

Mundësia e vendosjes së bllokimeve u la e hapur nga Ministri grek i Turizmit, Haris Theocharis, duke argumentuar se këto mund të mos jenë të këndshme, por se karantina nuk do të shmanget nëse situata del nga kontrolli.

“Përgjegjësia është e bashkësive lokale. Nuk mund t’i shmangim ato bllokimet kur situata e kërkon “, u shpreh ministri.

Theocharis theksoi se bumi i turistike është e lidhur drejtpërdrejt me situatën e pandemisë në vendin fqinj dhe u bëri thirrje qytetarëve që të vaksinohen në mënyrë që mutacioni Delta të mos shkaktojë një valë katastrofike. Ai tha se po monitoronte situatën në vendet fqinje me Greqinë.

” Përgjegjësia jonë, ndaj jetës sonë, para së gjithash por edhe ndaj turistëve, është të vëmë masa. “Le të vaksinohemi të gjithë në mënyrë që kjo valë e mutacionit Delta të mund të kalojë, pa krijuar probleme në vendin tonë”, tha ai.

Duke pranuar se bllokimi mund të dëmtonte turizmin, ministri i Turizmit pretendoi se këtë vit qëllimi ekonomike ka dalë i dyti.

?Së pari, vjen shëndeti dhe sigurimi i imazhit të vendit tonë si një destinacion i sigurt. Deri më tani ky është një bast që ne po fitojmë. Ne nuk jemi të kënaqur. Ne jemi duke monitoruar situatën në kufijtë tanë “, theksoi ai dhe pastaj shtoi:” Ne nuk kemi shumë raste të importuara. Shumica e tyre janë për shkak të lëvizjeve të brendshme dhe festave që bëhen në zona të ndryshme “.

Çfarë parashikohet?

Mutacionit Delta përbën tanimë rreth 50% të rasteve të reja të identifikuara në vendin fqinj.

Shkencëtarët bëjnë parashikime të frikshme për mesin e gushtit dhe madje flasin për 10,000 raste në ditë dhe thonë se 500,000 qyetatarë do të infektohen.

Ekspertja greke Matina Pagoni u bëri thirrje qytetarëve që para se të shkojnë me pushime për t’u vaksinuar.

“Më 15 gusht, ne do të arrijmë në 10,000 raste”, ishte parashikimi i Matina Pagoni.

?Pothuajse 99% e shtrimeve të reja kanë të bëjnë me qytetarë të cilët janë të pavaksinuar ose të vaksinuar vetëm me dozën e parë, dhe të rinj përveç disa përjashtimeve?, thotë nga ana profesori Nikos Tzanakis.

Mutacioni Delta është dy herë më ngjitës.

Duke filluat nga e shtuna, në shumë zona punëtorëve të pavaksinuar në restorante dhe biznese të tjera do t’u duhet t’i nënshtrohen një testi dy herë në javë.

Anëtarëve të pavaksinuar të ekuipazheve të anijeve të pasagjerëve dhe anijeve turistike do t’u kërkohet gjithashtu të testohen dy herë në javë./”Si”