E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

Messit i shtohet oreksi, tani do edhe Botërorin

12 Korrik 2021, 21:09, Sport CNA

Nuk ishte një fitore më shumë apo një titull më shumë. Ai që Lionel Mesi mori të shtunën ishte diçka e jashtëzakonshme duke e bërë përjetësisht legjendë të kombëtares argjentinase. Jo se nuk ishte, por se tani e meriton edhe me vepra. Ngriti në qiell kupën e Amerikës dhe i dha fund agjërimit 28- vjeçar të bardhekaltërve pa trofe.

Dhe nuk e bëri në një qiell dosido, por në qiellin e Rio De Zhaneiros, në stadiumin ?Marakana?, një stadium special për argjentinasit. Kjo ishte fitorja më e ëmbël e mundshme. Mesi, i cili akuzohej se nuk ka qenë i njëjti me kombëtaren ashtu si me Barcelonën, ka shkuar në disa finale radhazi dhe nuk po fitonte dot. Disa prej tyre i ka humbur me shtesë, ndërsa të tjera me penallti. I mungonte një trofe dhe ai erdhi. Nuk ishte ndeshja e tij më e mirë, por ai u zgjodh lojtari më i mirë i turneut.

Këtij titulli, i shtohet një medalje ari dhe një Botëror në moshën 20-vjeçare me Argjentinën. Ai është gjithashtu golashënuesi më i mirë i historisë së Argjentinës dhe lojtari që e ka veshur më së shumti këtë fanellë. Aspak keq. Edhe me një të katërtën e këtyre shifrave, të gjithë do të ishin të lumtur. Po tani çfarë? Mesit i mungon vetëm Botërori për të plotësuar një palmares perfekt.

E kishte mundësinë në vitin 2014, por ajo tashmë është e kaluara. E ka mundësinë që vitin tjetër në Katar ta bëjë realitet, por do të jetë 35 vjeç dhe është diçka shumë e vështirë. Presioni është i madh, por edhe rivalët janë të fortë. Mesi ka fituar 36 trofe në karrierën e tij, 35 me Barcelonën dhe 1 me kombëtaren e Argjentinës), 4 Champions dhe 10 La Liga. Ai gjithashtu ka 6 ?Topa të Artë? dhe mund të shkojnë 7 nëse ai vazhdon me këto ritme.

Pas fitores së Kupës së Amerikës mund të ketë shanse reale. Problemi është që ende nuk ka skuadër. Laporta dhe Kuman po bëjnë gjithçka që ta bindin të qëndrojë. Nëse qëndron, do të tentojë trofeun e 11- të, një tjetër shifër historike dhe do të vazhdojë të thellojë golat në La Liga, 474 ka arritur deri tani, 8 herë golashënuesi më i mirë në Spanjë dhe 6 ?Këpucë të Arta?. E vërtetë, i mungon vetëm Botërori.