web counter
LEXO PA REKLAMA!

SHKARKO APP

App Store
Google Play

E fundit!

x

“Përfundojnë në tehun e sëpatës”/ Rama paralajmëron ndryshime në komisariate, shigjeton dhe gjykatësit“

8 Korrik 2021, 09:04, Politikë CNA

Kryeministri Edi Rama ka folur sot me tone të forta, edhe në lidhje me rastet e krimit dhe dhunës në familje.

Gjatë fjalës së tij në një takim të zhvilluar paraditen e sotme me drejtuesit e Policisë, kreu I qeverisë paralajmëroi edhe ndryshime në komistariate, me qëllim që sipas tij goditen rastet e dhunës në familje.

Rama theksoi se çdo komisariat, do te ketë një rrjet me persona përgjegjës, që do të merren posaçërisht me rastet e dhunës në familje.

?Shpërfillen totalisht vuajtjet dhe dhimbjet e patregueshme të atyre që mund të ishin gratë dhe motrat e secilit prej nesh.

Kjo është e pakomentueshme dhe në këtë aspekt duhet ndërtuar brenda për brenda gjithë sistemit një rrjet me persona përgjegjës.

Cdo komisariat duhet të ketë persona përgjegjës që të merret me dhunën në familje dhe çdo thirrje të trajtohet me maksimumin e përkushtimit dhe respektit për ato gra dhe vajza që përfundojnë në tehun e sëpatës.

Nuk mund të ketë në asnjë rast dhe për asnjë arsye mirëkuptim më burrat në këtë rast.

Policia nuk mund të jetë në asnjë rast një kopje e atyre gjykatësve, që bëjnë kërdinë në kurriz të grave duke marrë lekë nga abuzuesit, duke i lënë të lirë në sallë e duke i hedhur në fyt të bashkëshorteve apo vajzave që dhunojnë?-tha Rama./CNA.al





Lajmet e fundit nga