E fundit!

21:02 Aktualitet

Vrasja e efektivit/ Klodiana Lala: Duhet hetim i thelluar, kemi një dëshmor por asnjë dorëheqje

Gazetarja Klodiana Lala ka deklaruar se duhet një hetim i ...

Metën nuk e shpëtojnë dot “gjyqtarët e tij” në Kushtetuese/ Zbardhet plani për shkarkimin e Presidentit

8 Korrik 2021, 08:37, Politikë CNA

Gjykata Kushtetuese, duket se çështjen e Presidentit Ilir Meta e ka lënë për në Shtator, pas plotësimit të vendeve vakante.

Jemi në javën e dytë të muajit Korrik, dhe të gjitha gjasat tregojnë se tashmë çështja ?Meta?, do të presë vjeshtën.

Sipas Ligjit për Gjykatën Kushtetuese, shpallja për seancën e parë duhet të bëhet një muaj para. Aktualisht kjo gjë nuk mund të ndodhë, pasi muaji Gusht është pushim për Gjykatat.

Pra, emrat tek të cilët Meta i ka mbështetur në Kushtetuese, ose që lakohen si gjyqtarë e tij, nuk do të jenë në në gjendje të ndikohen, pasi Kushtetuesja pritet të plotësohet me emra të rinj.

Si mbështetës të Metës në Gjykatën Kushtetuese, janë lakuar gjyqtarja Marsida Xhaferllari, për të cilën Meta këmbënguli për emërimin e saj, Sonila Betja, e cila edhe kjo njihet për mbështetjen që ka pasur nga Presidenti si dhe kryetarja Vitore Tusha, të cilën Meta e propozoi më herët, për në krye të Kontrollit të Lartë të Shtetit.

Pas plotësimit të Gjykatës Kushtetuese me personazhe të reja, ndikimi i ?mbështetësve? të Metës do të jetë i paktë dhe në këto rrethana ai mund të shkarkohet nga posti i Presidentit.

Për 3 vende vakante në Gjykatën Kushtetuese kanë aplikuar 9 persona.

Ata janë Albert Demirneli dhe Alket Jaupi, të cilët kanë kandiduar për vendin vakant të krijuar nga largimi i Fatmir Hoxhës, ndërsa kandidatët Dhimitrula Spiro, Ervin Karamuço, Helena Papa, Sandër Beci, Vatë Staka dhe Zhaklina Peto kanë kandiduar për vendet bosh nga nga largimi i gjyqtarëve Fatmir Hoxha dhe Vitore Tusha.

Ndërsa kandidati Saimir Visha, nuk e ka përcaktuar se për cilin vend vacant ka garuar. Të paktën sipas njoftimit të Gjykatës së Lartë.

Kujtojmë se çështja ?Meta?, ka përfunduar në Gjykatën Kushtetuese, pas betejës me mazhorancën dhe Kuvendin.

Si përfundoi Meta në Gjykatën Kushtetuese?

Beteja për largimin e Ilir Metës nga detyra e Presidentit të Republikës është zhvendosur në Gjykatën Kushtetuese, që me 14.06.2021.

Kuvendi dorëzoi Gjykatë vendimin për shkarkimin e tij nga posti i lartë i Presidentit të Republikës, i cili paraprakisht u miratua në seancë plenare me 104 vota pro.

Bashkë me kërkesën për shkarkim, është depozituar edhe një dosje e plotë, ku përfshihen përshkrimi i argumenteve të shkeljeve kushtetuese të kryera nga kreu i shtetit si dhe provat që vërtetojnë këto shkelje.

Në rast se Gjykata Kushtetuese do të konstatojë se vendimi i Kuvendit është mbështetur në prova dhe fakte, atëherë shkarkon President, në të kundërt, shfuqizon vendimin e Kuvendit.

Edhe pse, ende Gjykata Kushtetuese nuk ka shpallur seancë, ligjërisht i gjithë shqyrtimi i kësaj çështje duhet të përfundojë brenda 3 muajve nga depozitimi i vendimit, ndërsa për miratimin e tij duhet të votojnë pro të paktën 5 nga 7 gjyqtarët që ka aktualisht Gjykata Kushtetuese.

Por, duke qenë se muaji Gusht është pushim për drejtësinë, Kushtetuesja është brenda afatit dhe në Shtator, kohë kur pritet të jenë plotësuar edhe vendet bosh në Gjykatë.

Akuzat e Kuvendit ndaj Metës
1. Thirrjet publike pe?r veprime te? dhunshme (neni 223 i Kodit Penal)
2. Thirrja pe?r urrejtje nacionale (neni 266 i Kodit Penal)
3. Kërcënim dhe intimidim të anëtarëve të Gjykatës Kushtetuese
4. Cenim i figurës së gjyqtarit të Gjykatës Kushtetuese
5. Përpjekje për të krijuar krizë dhe incidente diplomatike me SHBA-në
6. Tentativë për të denigruar aleatin më të madh strategjik të Shqipërisë (SHBA)
7. Rrezik për të krijuar kriza apo incidente diplomatike me vende të tjera
8. Shantazh dhe sulme ndaj ambasadorëve të tjerë për t?u diktuar se çfarë qëndrimesh duhet të mbajnë
9. Deklarata të kundërta nga qëndrimi zyrtar e Shqipërisë për aleatët strategjikë
10. Cenimi i imazhit dhe reputacionit ndërkombëtar të Shqipërisë
11. Përkrahje e strukturave paralele shtetërore si struktura paramilitare e PD-së për mbrojtjen e votës.
12. Cenim i sigurisë dhe rendit publik
13. Ndërhyrje të paligjshme në veprimtarinë e Gjykatës Kushtetuese (neni 124 i Kushtetutës)
14. Ndërhyrje të paligjshme në veprimtarinë e Gjykatës së Lartë (neni 135 i Kushtetutës)
15. Ndërhyrje të paligjshme në veprimtarinë e Gjykatave Speciale (neni 135 i Kushtetutës)
16. Ndërhyrje në veprimtarinë e gjykatave dhe gjyqtarëve (neni 145 i Kushtetutës)
17. Ndërhyrje në veprimtarinë e SPAK (neni 148 i Kushtetutës)
18. Ushtrim i kompetencave që i takojnë Kuvendit (Neni 2/2 Kushtetuta)
19. Uzurpim i kompetencave të kryeministrit (Neni 102/2 i Kushtetutës)
20. Ndërhyrje dhe pengim i qeverisë (Neni 100/1 i Kushtetutës)
21. Ka vepruar në kundërshtim me parimin e kushtetutshmërisë dhe ligjshmërisë (neni 4 Kushtetuta)
22. Ndërhyrje dhe shkelje të parimit të ndarjes dhe balancimit ndërmjet pushteteve ligjvënës, ekzekutiv dhe gjyqësor (neni 7 Kushtetuta)
23. Ndërhyrje dhe shkelje të autonomisë vendore (neni 13 Kushtetuta)
24. Diskriminim në bazë bindjesh politike (neni 18 Kushtetuta)
25. Ndërhyrje në të drejtën për t?u zgjedhur të subjekteve politike, duke cenuar barazinë e konkurrimit politik (neni 45 Kushtetuta)
Shkelje e betimit si Presidentit dhe akte në kundërshtim me formulën e betimit (neni 88/3 i Kushtetutës?
26. Përfshirje në lojën politike, dalje nga roli si përfaqësues i unitetit të popullit, angazhim në krah të një force politike (Neni 86/1 Kushtetuta)
27. Ushtrim i detyrave të tjera përveç funksionit si President (neni 89 i Kushtetutës)
28. Ushtrim i kompetenca të tjera përveç atyre që i njihen shprehimisht me Kushtetutë dhe që i jepen me ligje të nxjerra në pajtim me të
29. (neni 94 i Kushtetutës)
30. Shkelje e parashikimit të Kushtetutës, sipas të cilit qeveria merr vendime me propozim të kryeministrit ose ministrit përkatës (Neni 100/2 i Kushtetutës)/CNA.al