web counter
LEXO PA REKLAMA!

SHKARKO APP

App Store
Google Play

E fundit!

x

Fjala e fundit si deputet/ Kryeparlamentari Ruçi bën bilancin

7 Korrik 2021, 08:37, Politikë CNA

Kryeparlamentari Gramoz Ruçi ka mbajtur sot fjalën e fundit si deputet, teksa ka bërë një bilanc të veprimtarisë së Kuvendit në lëgjislaturën e tij të nëntë, shtator 2017-shtator 2021.

Ruçi tha se kjo legjislaturë ishte një kantier i madh dhe produktiv i procesit ligjbërës.

?Siç dihet kjo është seanca e fundit plenare e legjislaturës së 9-të. Disa arritje dhe problematika si dhe për përmbushjen nga Kuvendi të funks të veta.

Kjo ishte legjislatura e 100-vjetorit të parlamentarizmit shqiptar.

Ishte një kantier i madh dhe produktiv i procesit ligjbërës. Ishte legjislatura e zbatimit të reformës në drejtësi. E kryerjes së reformës zgjedhore dhe avancimit të reformave mjaft të rëndësishëm, kur Kuvendi u hap më shumë drejt shoqërisë civile, drejt medias, grupeve të interesit dhe qytetarëve, e përballimit të një sfide të madhe globale, të pandemisë, e përballimit të pasojave të tërmetit.

424 propozime të qeverisë, 59 nisma të deputetëve, 3 propozime të përbashkëta midis qeverisë dhe deputetëve dhe një propozim i një deputeti. 141 u miratuan me shumicë absolute.
Kuvendi miratoi planin e zhvillimit strategjik. Plani strategjik është një udhërrëfyes që ndërthur misionin, vizionin, vlerat prioritare, objektivat strategjikë?, deklaroi ndër të tjera Ruçi.

Ruçi përmendi edhe disa nga arritjet dhe punët e bëra gjatë kësaj legjislature, duke u ndalur te reforma në drejtësi, ajo zgjedhore, ngritja e SPAK, BKH dhe Gjykatës Kushtetuese.

Ai u shpreh se nuk duhet të jemi të inatosur me BE që negociatat nuk u hapëm por të krijojmë Bashkimin Europian në Shqipëri.

Në fund të fjalës së tij, Ruçi falënderoi kolegët deputetë në të gjithë mandatet ku ai ka shërbyer si ligjvënës si dhe familjen e tij për shkak se theksoi se ata janë privuar për diçka nga jeta e tyre në mënyrë që ai të përmbushte detyrimet e tij. Kolegët deputetë e përcollën Ruçin me duartrokitje./CNA.al





Lajmet e fundit nga